جیکلین فرنانڈیز نے ممبئی میں خریدا ایک لگژری گھر،قیمت جان کر ہوجائیں گے حیران

بالی ووڈ اداکارہ جیکلین فرنانڈیز نے حال ہی میں ممبئی میں ایک نیا لگڑری فلیٹ خریدا ہے جس کی تصاویر اور ویڈیوز اب وائرل ہو رہی ہیں۔ انہوں نے یہ نیا گھر باندرہ کے مشہور پالی ہل علاقے میں خریدا ہے۔

ممبئی کے اس پوش علاقے میں سلمان خان، سیف علی خان، کرینہ کپور، رنبیر کپور اور عالیہ بھٹ جیسے بالی ووڈ کے کئی ستارے رہ چکے ہیں۔ جیکلین فرنانڈیز کے نئے لگڑری اپارٹمنٹ میں ایک جم، سوئمنگ پول اور لاؤنج ہے۔

اس سے قبل جیکلین فرنانڈیز جوہو میں رہتی تھیں۔ جیکلین فرنانڈیز جوہو کے علاقے میں اسی فلیٹ میں رہتی تھیں، جس میں پریانکا چوپڑا پہلے رہتی تھیں۔ پاپرازی نے ان کے فلیٹ کے باہر سے جیکلین فرنانڈیز کی ایک ویڈیو شیئر کی۔ جیکلین فرنانڈیز کے گھر کی اس عالیشان عمارت کو دیکھنے کے بعد اب مداح ان کے گھر کے بارے میں جاننے کے لیے بے حد پرجوش ہیں۔

نوروز اشعر کے نام سے اس عمارت میں کئی اپارٹمنٹس ہیں جن میں دی سویٹس، دی پینٹ ہاؤس، اسکائی ولا اور دی مینشن شامل ہیں۔ عمارت کی ویب سائٹ کے مطابق عمارت کے اندر ایک پرتعیش پول، جم اور خوبصورت لاؤنج بھی دستیاب ہے۔

میڈیا رپورٹس کے مطابق کمپلیکس کے سب سے سستے فلیٹ کی قیمت 12 کروڑ روپے ہے۔ ابھی تک یہ نہیں بتایا گیا کہ جیکلین فرنانڈیز کے نئے اپارٹمنٹ کی قیمت کتنی ہے اور آیا وہ اس میں شفٹ ہوئی ہیں یا نہیں۔

سری لنکن اداکارہ جیکلین فرنانڈیز گزشتہ کچھ مہینوں سے سرخیوں میں ہیں۔ سکیش چندر شیکھر کے 200 کروڑ کے منی لانڈرنگ کیس میں ان کا نام طویل عرصے سے زیر بحث ہے۔ دونوں کی نجی تصاویر بھی انٹرنیٹ پر وائرل ہوگئیں۔ منی لانڈرنگ کیس میں نام آنے کے بعد اداکارہ کی مشکلات میں اضافہ ہوگیا ہے۔