بالی ووڈ کی’دھڑک‘ گرل جھانوی کپور ان دنوں اپنی آنے والی فلم ملی کو لے کر کافی پرجوش ہیں۔ ان کے لیے یہ فلم اب تک کی تمام فلموں میں بہت خاص ہے۔

خاص اس لیے کیونکہ ملی کو جہانوی کے والد یعنی بونی کپور پروڈیوس کر رہے ہیں۔ فلم سے جھانوی کی پہلی جھلک بھی سامنے آئی ہے، جو ان کی شخصیت کو بہت سوٹ کررہی ہے۔

فلم کے اس فرسٹ لْک میں جھانوی نے بیک بیگ لٹکا رکھی ہیں اور وہ ہنستی ہوئی نظر آ رہی ہیں۔ پوسٹر پر ملی کی پرسنل ڈیٹیلس بھی لکھی ہوئی ہیں۔پوسٹر میں لکھی تفصیلات کے مطابق فلم میں جھانوی کے کردار کا نام ملی ڈونڈیال ہوگا۔ عمر 24 سال اورپڑھائی بی ایس سی نرسنگ گریجویٹ۔

 ملی ایک سروائیول تھرلر فلم ہے جس کی ہدایت کاری متھوکوچی جیویئر نے کی ہے جب کہ اسکرین پلے رتیش شاہ کا ہے۔ جھانوی کپور کے علاوہ اس فلم میں منوج پاہوا اوراداکار وکی کوشل کے چھوٹے بھائی سنی کوشل بھی مرکزی کردار میں نظر آئیں گے۔

منوج ملی کے والد توسنی کوشل ملی کے بوائے فرینڈ کا کردار ادا کریں گے۔ یہ فلم 4 نومبر کو بڑے پردے پر ریلیز ہونے والی ہے۔

قابل ذکر ہے کہ جھانوی کپور آنجہانی اداکارہ سری دیوی اور فلمساز بونی کپور کی بیٹی ہیں۔ انہوں نے سال 2018 میں فلم دھڑک سے بالی ووڈ میں قدم رکھا۔

وہ آخری بار فلم گڈ لک جیری میں نظر آئی تھیں اور اس سے پہلے وہ فلم روحی میں نظر آئی تھیں۔اپنے آنے والے پروجیکٹس کے بارے میں بات کریں تو ملی کے علاوہ وہ مسٹر اینڈ مسز ماہی اور بوال جیسی فلموں میں نظر آئیں گی۔