کنگنا رناوت نے سانیا ملہوترا کی تعریفوں کے پل باندھے ، لوگ حیران

'دنگل گرل' سانیا ملہوترا ان دنوں اپنی حالیہ ریلیز ہونے والی فلم 'پگلیٹ' کے ساتھ زیربحث ہیں۔ اس فلم میں ان کی اداکاری کو شائقین میں خوب پسند کیا جارہا ہے۔ فلم اداکارہ کنگنا رناوت نے بھی سانیاکی اداکاری کو سراہا ہے اور سوشل میڈیا پر ان کی تعریف کی ہے۔ کنگنا رناوت نے سانیاکی ایک پوسٹ کو سوشل میڈیا پر ری ٹویٹ کرتے ہوئے لکھا- 'وہ اتنی اچھی ہیں …میں خوش ہوں کہ لوگ ان کی صلاحیتوں کو پہچان رہے ہیں ، میں نے سنا ہے کہ نیٹ فلکس پر پگلیٹ حیرت انگیز کام کررہی ہے۔تمہارے لیے بہت خوش ہوں سانیا،تم یہ سب کچھ ڈیزرو کرتی ہو اور بہت کچھ، تمہیں بہت سا پیار‘۔

اس پوسٹ کے بعد کنگنا ایک بار پھر سرخیوں میں ہیں۔ ہر کوئی ان کی پوسٹ پر حیرت کا اظہار کر رہا ہے۔اداکارہ سانیا ملہوترا نے بھی اس پوسٹ کے بعد کنگنا سے اظہار تشکر کیا ہے۔

سانیا ملہوترا کی فلم پگلیٹ کی بات کریں تو یہ26 مارچ کو او ٹی ٹی پلیٹ فارم نیٹ فلکس پر ریلیز ہوئی ہے۔ سانیا ملہوترا کے علاوہ اس فلم میں آشوتوش رانا ، شایونی گپتا ، رگھوبیر یادو ، راجیش تیلنگ ، شروتی شرما ، شیبا چڈھا ، جمیل خان اور آصف خان مرکزی کردار میں ہیں۔