بھارت رتن ایوارڈ یافتہ مشہورو معروف گلوکارہ لتا منگیشکر نے 92برس کی عمر میں دنیا کو کہا الوداع، ملک سوگوار

<p dir="RTL" style="text-align: justify;">
لتا منگیشکرکی آواز کسی کے لیے نئی نہیں ہے۔ ان کے گانے لوگوں کے دل و دماغ میں رچ بس گئے ہیں۔  25 ہزار سے زیادہ گانے دنیا کی مختلف زبانوں میں گانے کے بعد گنیز بک آف ورلڈ ریکارڈ میں انہیں شامل کیا گیا وہ 1929 میں پیدا ہوئیں۔ لتا کی آواز سے ان کی عمر کا ذرا بھی اندازہ نہیں لگایا جاسکتا۔ مندروں میں بجتی گھنٹیوں سا سحر لیے لتا کی آواز نے کئی نسلوں کو اپنی آواز سے متاثر کیا ہے۔</p>
<p dir="RTL" style="text-align: justify;">
آج بھی دل تک اتر جانے والی ان کی آواز کی کھنک وہی ہے جو انیس سو سینتالیس میں ان کی پہلی ہندی فلم آپ کی سیوا میں تھی۔ لتا نے انیس سو بیالیس میں اپنے والد دینا ناتھ منگیشکر کے انتقال کے بعد باقاعدہ گلوکاری شروع کردی تھی۔ دینا ناتھ کی بیٹیوں میں نہ صرف لتا نے سروں کی دنیا میں مقبولیت حاصل کی بلکہ ان کی بہن آشا بھوسلے نے بھی گلوکاری میں اہم مقام حاصل کیا اور ایک وقت ایسا بھی آیا کہ دونوں بہنوں کی آوازوں نے بھارتی فلم انڈسٹری پرقبضہ کر لیا۔ لتا کا کہنا ہے کہ ان کی فنی زندگی بھرپور رہی ہے۔ 92 برس  کی عمر میں آج یعنی  <span dir="LTR">6</span>فروری <span dir="LTR">2022</span>کوممبئی میں  مشہور و معروف ہستی اس دنیا سے کوچ کر گئیں ۔</p>
<p dir="RTL" style="text-align: justify;">
لتا منگیشکر28 ستمبر 1929کو اندور میں پیدا ہوئیں۔ ان کے والد دِینا ناتھ منگیشکر بھی گلوکار اور اداکار تھے۔ چنانچہ وہ شروع سے ہی گلوکاری کی طرف مائل تھیں۔ موسیقار غلام حیدر نے ان کی حوصلہ افزائی کی اس کے بعد وہ کامیابی کی بلندیوں کی طرف روانہ ہوگئیں اور پوری زندگی یہ سلسلہ جاری رہا۔</p>
<p dir="RTL" style="text-align: justify;">
لتا منگیشکر پچاس ہزار سے زائد گانے گا چکی ہیں وہ 1974ء سے 1991ء تک گینز بک آف ورلڈ ریکارڈ میں ریکارڈ ہولڈر کے طور پر شامل رہیں۔ بک کے مطابق وہ دنیا میں سب سے زیادہ گانے ریکارڈ کرانے والی گلوکارہ ہیں۔</p>
<p dir="RTL" style="text-align: justify;">
لتا کو بے شمار ایوارڈز ملے۔ خود ان کا کہنا ہے کہ ان کا سب سے بڑا ایوارڈ لوگوں کا پیار ہے لیکن ان کے پاس بھارت کا سب سے بڑا سویلین اعزاز’’ بھارت رتن‘‘ بھی ہے۔ وہ بھارت کی دوسری گلوکارہ ہیں جنہیں یہ ایوارڈ دیا گیا ہے۔ 1974ء میں گینیز بک آف ورلڈ ریکارڈز میں ان کا نام دنیا میں سب سے زیادہ گانے گانے والی گلوکارہ کے طور پر آیا<strong>۔(ویکی پیڈیا آزاد دائرۃ المعارف کے شکریہ کے ساتھ</strong>)</p>
<p dir="RTL" style="text-align: justify;">
<strong>انڈیا نیرٹیو اردو ٹیم </strong>لتا منگیشکر کو<strong> خراج عقیدت پیش کرتی ہے اور ان کے خاندان کے غم میں برابر شریک ہے۔ </strong></p>