مونی رائے نے خوب صورت تصاویر سوشل میڈیا پر شیئر کیں

اداکارہ مو نی رائے نے ٹیلی ویژن دنیا سے لے کر بالی ووڈ تک اپنی ایک الگ پہچان بنائی ہے۔ خوب صورت اداکارہ مو نی رائے اکثر اپنے فیشن سینس اور لکس کے بارے میں مداحوں میں بحث میں رہتی ہیں۔ سوشل میڈیا پر سرگرم رہنے والی مونی ان دنوں یوروپ میں کوالٹی ٹائم اسپینڈ کر رہی ہیں ۔ بدھ کو مونی نے اپے آفیشیل انسٹا گرام اکاو نٹ پر اپنی کچھ تصاویر شیئر کی ہیں جو بحث میں ہیں ۔

 ان تصاویر میں مو نی مختلف لباس اور مختلف پوز میں نظر آرہی ہیں۔ ان میں سے ایک تصویر میں مو نی کمرے میں کھڑی ہو کر ' میررسیلفی' لے رہی ہیں، ان کی یہ تصویر سب کی توجہ اپنی طرف راغب کررہی ہے۔ ایک اور تصویر میں ، مو نی اپنے ہاتھ میں شراب کا گلاس تھامے ہوئے دکھائی دے رہی ہیں۔

 مو نی کی ان خوبصورت اور دلکش تصاویر کو سوشل میڈیا پر خوب پسند کیا جارہا ہے۔ ورک فرنٹ کے بارے میں بات کرتے ہوئے ، مونی رائے عنقریب ایان مکھرجی کی ہدایت کاری میں بننے والی فلم ’برہماستر ‘ میں امیتابھ بچن ، رنبیر کپور اور عالیہ بھٹ کے مقابل نظر آئیں گی۔ مونی رائے نے 2006 میں ایکتا کپور کے مشہور سیریل کبھی ساس بھی بہوتھی کے ساتھ اداکاری کی دنیا میں قدم رکھا تھا۔

اس کے بعد ، وہ کستوری ، دیو کے دیو مہادیو ، ناگین سیریز وغیرہ جیسے بہت سیرل میں نظر آئیں۔ 2004 میں ، انہوں نے فلم 'رن' سے بالی ووڈ میں قدم رکھا۔ اس فلم میں ، وہ ایک گانے میں نظر آئیں۔ اس کے بعد وہ متعدد فلموں میں چھوٹے کرداروں میں نظر آئیں۔ سال2018 میں ، انہیں اکشے کمار کے ساتھ فلم گولڈ میں اور راجکمار راوکے ساتھ فلم 'میڈ ان چائنا' میں سال 2019 میں مرکزی کردار ادا کرنے کا موقع ملا۔ فلم میں ان کی اداکاری کو شائقین نے خوب پذیرائی دی۔