اکشے کمار کے ' رکشابندھن' سے جڑا زی اسٹوڈیو کا نام 

اداکار اکشے کمار ایک کے بعد ایک بڑے اسکرین پر کئی ہٹ فلمیں دے رہے ہیں۔ اس سال ان کی بہت سی فلمیں ریلیز ہونے والی ہیں۔ ان فلموں میں آنند ایل رائے کی فلم 'رکشا بندھن بھی شامل ہے۔ فلم کا اعلان اکشے کمار نے گزشتہ سال رکشا بندھن پر کیا تھا۔ آنند ایل رائے کی ہدایت کاری میں بننے والی اس فلم میں اب زی اسٹوڈیو کا نام شامل ہوگیا ہے۔

 ان دنوں یہ فلم اپنے پہلے پروڈکشن مرحلے پر ہے۔ فلم نقاد ترن آدرش نے سوشل میڈیا پر یہ معلومات ٹویٹ کی۔ اس کے ساتھ ہی شوٹ کے دوران فلم 'رکشا بندھن' کے سیٹ سے بھی ایک تصویر سامنے آئی ہے ، جسے ترن نے ٹویٹر پر شیئر کیا ہے۔

قابل ذکر ہے کہ پچھلے سال رکشا بندھن پر اکشے کمار نے فلم کے اعلان کے ساتھ ہی فلم کے پوسٹر کو شائقین کے ساتھ شیئر کیا تھا۔اکشے کمار نے بہن بھائیوں کے رشتے پر مبنی اس فلم کو اپنی بہن الکا ہیرانند نی کے لئے وقف کیا ہے۔ وہیں اکشے کمار کی بہن الکا ہیرانندا نی فلمساز آنند ایل رائے کے ساتھ مل کر یہ فلم تیار کررہی ہیں۔

 وہیں اس فلم میں زی اسٹوڈیو کا نامجڑ گیا ہے۔ آنند ایل رائے پہلی بار زی اسٹوڈیوز میں شامل ہورہے ہیں۔ فلم میں زی اسٹوڈیو کے اضافے سے فلم کے تمام ممبران بہت خوش اور پرجوش ہیں۔ یہ فلم ہمانشو شرما نے لکھی ہے۔ اس کی ہدایت آنند ایل رائے کریں گے۔ ان دنوں فلم کی پری پروڈکشن کا کام تیزی سے جاری ہے اور امید کی جارہی ہے کہ اس فلم کی شوٹنگ جلد شروع ہوسکتی ہے۔ فلم 5 نومبر 2021 کو سینما گھروں میں ریلیز ہوگی۔