ناٹوناٹو’اس سال آسکرمیں نظر آئےگی،’آر آر آر‘گاناسوشل میڈیاپربھی ٹرینڈ’

ایس ایس راجامولی کی فلم ’آر آر آر‘ اس سال کے آسکرز میں نمائش کے لیے پیش کی جائے گی۔ اس فلم کا گانا ’ناٹو ناٹو‘ آسکر 2023 کے لیے نامزد کیا گیا ہے۔ اب جب یہ گانا نامزد ہو گیا ہے تو شائقین بھی پرجوش ہیں۔

شائقین کی اس بے تابی کی بڑی وجہ یہ ہے کہ اس سال آسکر کے اسٹیج پر گانے ”ناٹو ناٹو“ پر ڈانس ہوگا۔ اس گانے پر راہل سپلی گنج اور کال بھیرو پرفارم کریں گے۔ شائقین آسکر اسٹیج پر ‘آر آر آر’ کے مشہور گانے کو سن کر بہت خوش ہیں۔

95ویں آسکر ایوارڈز کی تقریب جو 12 مارچ کی رات شروع ہوگی۔ اس تقریب میں گانے”ناٹو ناٹو“ کی پرفارمنس پوری دنیا دیکھے گی۔ آسکر کی تقریب پر پوری دنیا کی نظریں جمی ہوئی ہیں۔

 جب سے یہ خبر سامنے آئی ہے، ’آر آر آر‘ کے مداح خوشی سے اچھل پڑے ہیں۔ یہی نہیں سوشل میڈیا پلیٹ فارمز پر بھی یہی گانا زیر بحث ہے اور ’ناٹو ناٹو‘ ٹرینڈ کر رہا ہے۔

فلم “آر آر آر” نے دنیا بھر کے تمام بہترین ایوارڈز اپنے نام کیے ہیں۔ ایسے میں اس فلم کے گانے ’ناٹو ناٹو‘ کو آسکر 2023 کے لیے نامزد کیا گیا ہے اور قیاس کیا جا رہا ہے کہ یہ گانا اس سال آسکر ایوارڈ لے کر آئے گا۔

ٹوئٹر پر بھی ’ناٹو ناٹو‘ کا جوش دیکھا جا رہا ہے۔ ’ناٹو ناٹو‘ کی لائیو پرفارمنس کو لے کر ٹوئٹر پر کافی دلچسپی دیکھنے میں آئی ہے۔ شائقین کہہ رہے ہیں کہ ’آر آر آر‘ کے گانے ’ناٹو ناٹو‘ نے پوری دنیا کو ایک کر دیا ہے۔ ایسے میں دنیا بھر میں مداح اس گانے پر ڈانس کرتے نظر آ رہے ہیں۔