کنگنا رناوت کی فلم میں نوازالدین صدیقی نظر آئیں گے

بالی ووڈ کی ' کوئین ' کنگنا رناوت نے حال ہی میں اپنے پروڈکشن ہاؤس منیکرنیکا فلمز کے بینر تلے ایک فلم بنانے کا اعلان کیا تھا، جس کا نام انہوں نے ' ٹیکو ویڈس شیرو ' رکھا تھا۔ اب اس فلم کے بارے میں ایک بڑاتازہ اپڈیٹ آیاہے۔ اب کنگنا کی اس فلم میں اداکار نوازالدین صدیقی کو داخل کردیا گیا ہے۔

 خود کنگنا نے یہ معلومات مداحوں کو سوشل میڈیا کے ذریعے دی ہے۔ کنگنا نے اپنے ساتھ ان کی ایک تصویرشیئرکرتے ہوئے لکھاکاٹیم میں آپ کا استقبال ہے۔ کنگنا کے پروڈکشن ہاؤس، مانکرنیکا فلمز کے اکاؤنٹ کے ساتھ بھی اس معلومات کو شیئرکرتے ہوئے لکھا ہے – "ایک مشہور اداکار ٹیکو ویڈ شیرو کی کاسٹ میں شامل ہوگیاہے۔ ہمیں اپنے شیر پرفخر ہے۔

کنگنا رناوت کی فلم میں نوازالدین کو دیکھ کر بہت پرجوش ہوگئی ہے۔ یہ پہلا موقع ہے جب کنگنا رناوت اور نوازالدین صدیقی ایک ساتھ کام کررہے ہیں۔ تاہم ابھی تک اس فلم کے بارے میں زیادہ معلومات سامنے نہیں آئیں۔ ابھی تک یہ سسپنس برقرار ہے کہ کیا کنگنا اس فلم کے مرکزی کردار میں نظر آئیں گی یا کوئی اور۔

 موصولہ اطلاعات کے مطابق کنگنا اس فلم کو لے کر بہت پرجوش ہیں اور جلد ہی فلم کی شوٹنگ بھی شروع ہوجائے گی۔ فلم ڈیجیٹل پلیٹ فارم پر ریلیز کی جائے گی۔ اس فلم کے علاوہ کنگنا فلم تھلاوی، دھاکڑ، تیجس اور ایمرجنسی نظرآئیں گی۔ اس فلم کے علاوہ، نواز الدین فلم ' جوگیرا سارا را را ' اور ' نومینس لینڈ ' میں نظر آئیں گے۔