بالی ووڈ کی بولڈ اور بے باک اداکارہ نیہا دھوپیا جو کہ سوشل میڈیا پر سرگرم ہیں نے سوشل میڈیا پر اپنی فیملی کی تصویر شیئر کی ہے جس میں انگد، نیہا، ان کی بیٹی مہر اور بیٹا نظر آرہے ہیں۔ اس کے ساتھ نیہا نے اپنے بیٹے کا نام بھی ظاہر کیا ہے۔اس تصویر کو شیئر کرتے ہوئے نیہا دھوپیا نے لکھا، 'ہمارا بیٹا گورک سنگھ دھوپیا بیدی!'

نیہا کی اس پوسٹ پر مداحوں کے ساتھ ساتھ مشہور شخصیات بھی اپنی رائے دے رہے ہیں اور نیہا کی اس پوسٹ پر پیار کی بارش کر رہے ہیں۔ آپ کو بتادیں کہ نیہا دھوپیا نے اپنے بیٹے کا نام جو رکھا ہے، اس کا مطلب بھگوان کی شکل ہے۔

قابل ذکر ہے کہ اداکارہ نیہا دھوپیا اور انگد بیدی نے طویل رشتے میں رہنے کے بعد 10 مئی 2018 کو شادی کی تھی۔ نیہا اور انگد اپنی شادی کے چھ ماہ بعد 18 نومبر کو اپنے پہلے بچے، بیٹی مہر کے والدین بنے۔ گزشتہ سال 3 اکتوبر کو نیہا اور انگد اپنے دوسرے بچے کے والدین بنے۔ نیہا اور انگد کا خاندان ان کے دوسرے بچے کی پیدائش کے ساتھ مکمل ہو گیا ہے اور دونوں ان دنوں اپنے دونوں بچوں کے ساتھ   وقت گزار رہے ہیں۔