Urdu News

فلم ’کل ہو نا ہو‘ کے 19 سال مکمل ,کرن جوہر نے ان دیکھی تصاویر شیئر کیں

دھرما پروڈکشن کے بینر تلے سال 2003 میں ریلیز ہونے والی شاہ رخ خان، پریتی زنٹا اور سیف علی خان کی فلم ‘کل ہو نا ہو’ نے اپنی ریلیز کے 19 سال مکمل کر لیے ہیں۔

اس خاص موقع کا جشن مناتے ہوئے کرن جوہر نے فلم کے سیٹ سے کچھ ان دیکھی تصاویر سوشل میڈیا پر مداحوں کے ساتھ شیئر کیں۔ ان تصاویر کو شیئر کرتے ہوئے کرن جوہر نے لکھا – ’زندگی بھر کی یادیں، دل کی دھڑکن میں! اس فلم نے مجھے اس سے زیادہ دیا، اس نے مجھے خوشی دی، ایک اٹوٹ بندھن، کہانی کہنے کے لیے ایک مختلف لینس دیا، اور یقیناً- آخری فلم سیٹ جس میں میں اپنے والد کے ساتھ ہو  سکتا تھا۔ میں اس فلم کے لیے ان کا ہمیشہ شکر گزار رہوں گا! #کل ہو نا ہو کے 19 سال!’۔

کرن جوہر کی یہ پوسٹ وائرل ہو رہی ہے۔ 27 نومبر 2003 کو ریلیز ہونے والی فلم ’کل ہو نا ہو‘ ایک رومانٹک کامیڈی ڈرامہ کو ناظرین کی جانب سے خوب پذیرائی ملی۔

اس فلم کی ہدایت کاری نِکھل اڈوانی نے کی تھی جب کہ اس کا اسکرین پلے کرن جوہر نے لکھا تھا۔ فلم کے گانے اور فلم دونوں باکس آفس پر سپر ہٹ ہوئے۔

Recommended