Urdu News

شادی کے سوال پر پرینیتی چوپڑا مسکرا ئیں،ویڈیو وائرل

بالی ووڈ اداکارہ پرینیتی چوپڑا

بالی ووڈ اداکارہ پرینیتی چوپڑا کو شادی کی افواہوں کے درمیان منگل کی رات ممبئی ایئرپورٹ پر دیکھا گیا۔ پاپرازی نے اس کی ویڈیو بنائی اور اسے سوشل میڈیا پر پوسٹ کر دیا۔ اب یہ ویڈیو وائرل ہو رہا ہے۔

ویڈیو میں جب پرینیتی سے ان کی شادی کے بارے میں پوچھا گیا تو وہ صرف مسکرا ئی اور کوئی بیان نہیں دیا تاہم اس ویڈیو میں وہ شادی کے سوال سے کنارہ کشی کرتی نظر آرہی ہیں۔ پرینیتی کے شرمانے کے بعد، نیٹیزین کہہ رہے ہیں کہ ان کی شادی کی افواہیں سچ ہیں۔

دراصل، پرینیتی چوپڑا کو عام آدمی پارٹی کے ایم پی راگھو چڈھا کے ساتھ ایک دو بار دیکھنے کے بعد ان کے افیئر کی باتیں شروع ہوگئیں۔ اسی دوران عام آدمی پارٹی کے رکن پارلیمنٹ سنجیو اروڑہ کا ایک ٹویٹ اس وقت منظر عام پر آیا جب ان دونوں کی شادی پر سوالات اٹھ رہے تھے۔

انہوں نے ٹوئٹر پر لکھا کہ میں پرینیتی چوپڑا اور راگھو چڈھا کو اپنی نیک خواہشات پہنچانا چاہتا ہوں۔ مجھے امید ہے کہ ان کا اتحاد محبت اور خوشی سے بھرا ہوا ہے۔ میری نیک تمنائیں آپ کے ساتھ ہیں۔ اس ٹویٹ کے بعد مداح کہہ رہے ہیں کہ دونوں کے افیئر کی باتیں سچ ہیں۔

راگھو اور پرینیتی ایک دوسرے کو اس وقت سے جانتے ہیں جب وہ برطانیہ میں تھے۔ پرینیتی نے مانچسٹر بزنس اسکول سے تعلیم حاصل کی ہے۔ راگھو چڈھا نے لندن اسکول آف اکنامکس سے اپنی تعلیم مکمل کی ہے۔

 پرینیتی نے 2011 میں فلم لیڈیز ورسیس رکی بہل میں معاون کردار ادا کرکے بالی ووڈ میں قدم رکھا۔ اس فلم میں ان کی اداکاری کو شائقین اور ناقدین نے سراہا تھا۔ اس کے بعد وہ فلم ”عشق زادے“ میں مرکزی کردار میں نظر آئیں۔

 ناظرین نے ارجن کپور کے ساتھ ان کی کیمسٹری کو بہت پسند کیا۔ پرینیتی نے ’شدھ دیسی رومانس‘، ’ہنسی تو پھنسی‘، ’دعوتِ عشق‘، ’کل دل‘ جیسی فلموں میں کام کیا ہے۔

Recommended