کالی پوسٹر تنازعہ کے بعد اب ‘شیو پاروتی’ کو سگریٹ پیتے دکھایا گیا

<p dir="RTL" style="text-align: justify;">
کالی ما ں کے پوسٹر تنازعہ کی وجہ سے سرخیوں میں آنے والی فلم ڈائریکٹر لینا منیمیکلائی ہر روز نئی باتیں کر رہی ہیں۔ آج بھی انہوں نے ایک نیا ٹویٹ کیا جس کی وجہ سے پھر سے ہنگامہ شروع ہو گیا ہے۔ ٹویٹ میں لینا نے بھگوان شیو اور ماں پاروتی کو سگریٹ پیتے ہوئے دکھایا ہے۔ لینا کے اس ٹویٹ پر لوگ انہیں گھیر رہے ہیں۔</p>
<p dir="RTL" style="text-align: justify;">
معلومات کے مطابق، لینا نے جمعرات کی صبح 7.15 بجے ٹویٹ کرکے ایک تصویر شیئر کی۔ اس ٹویٹ پر انہوں نے لکھا، 'کہیں اور…' اس کے ساتھ ہی اس ٹویٹ میں لینا کی جانب سے شیئر کی گئی تصویر میں بھگوان شیو اور ماں پاروتی کا کردار ادا کرنے والے دو افراد سگریٹ پیتے نظر آ رہے ہیں۔ لینا کے اس ٹویٹ پر عام لوگوں سے لے کر سیاست دانوں تک غصہ دیکھا جا رہا ہے۔</p>
<p dir="RTL" style="text-align: justify;">
قابل ذکر ہے کہ دہلی پولیس نے 2 جولائی کو فلمساز لینا منیمیکلائی کی آنے والی دستاویزی فلم 'کالی' کے متنازعہ پوسٹر معاملے میں ایف آئی آر درج کی تھی۔ یہ ایف آئی آر آئی پی سی کی دفعہ 153<span dir="LTR">A</span>اور 195<span dir="LTR">A</span>کے تحت اسپیشل سیل کے انٹیلی جنس فیوڑن اور اسٹریٹجک آپریشنز نے درج کی ہے۔</p>