فلم’میری کرسمس‘کا پوسٹر ریلیز، سیمینا گھروں کی کب بنے گی زینت؟

کترینہ کیف اوروجے سیتوپتی نے سوشل میڈیا پر’میری کرسمس‘ کے نئے پوسٹر کے ساتھ فلم کی ریلیز کی تاریخ کا اعلان کیا ہے۔ سری رام راگھون کی ہدایت کاری میں بننے والی اس فلم کے لیے ناظرین پرجوش ہیں، کیوں کہ کترینہ اور وجے پہلی بار بڑے پردے پر ایک ساتھ نظر آئیں گے۔ شائقین کافی عرصے سے اس فلم کے اعلان کا انتظار کر رہے تھے۔

یہ فلم پہلے 2022 میں ریلیز ہونے والی تھی۔ اب یہ فلم 15 دسمبر 2023 کو ریلیز ہونے جا رہی ہے۔ وجے سیتوپتی اور کترینہ کیف نے دو پوسٹرز لانچ کیے، ایک ہندی میں اوردوسرا تمل میں۔ دونوں پوسٹرز میں کترینہ اور وجے نظرآرہے ہیں اور اس پوسٹر نے سب کا تجسس بڑھا دیا ہے۔

نیا پوسٹر ناظرین کو ونٹیج وائبز دے رہا ہے۔ اگر آپ ہندی پوسٹر کو دیکھیں تو آپ کو پرانی ممبئی کی جھلک نظر آتی ہے۔ پوسٹر کی ٹیگ لائن ہے’’رات جتنی رنگین ہوگی، صبح آتنی ہی رنگین ہوگی‘‘۔ ہندی زبان کی اس فلم میں سنجے کپور، ونے پاٹھک، پرتیما کنن اور تینو آنند نے بھی کام کیا ہے، جب کہ تامل زبان کی فلم میں رادھیکا سرتھ کمار، شانموگراجا، کیون جئے بابو اورراجیش ولیمزشامل ہیں۔

دونوں اداکارائیں اشونی کالسیکر اور رادھیکا آپٹے بھی مختصرکردارمیں نظر آئیں گی۔ میڈیا رپورٹس کے مطابق واضح رہے کہ یہ فلم کرائم تھرلر ہے اور اس کی کہانی کرسمس کے گرد گھومے گی۔ بھارتی ناظرین سری رام راگھون کی فلم کا بے صبری سے انتظار کر رہے ہیں، جس نے اندھادھن، بدلاپور جیسی شانداراور ہاٹ فلمیں دی ہیں۔