فلم ‘آدی پروش’ کے16 جون کوریلیز ہونے کے بعد اس کے  کلیکشن میں مسلسل کمی دیکھنے میں آ رہی  ہے۔ یہ فلم یکم اگست سے او ٹی ٹی پلیٹ فارم ایمیزون پرائم ویڈیو پر ریلیز ہوگی۔

موصولہ اطلاعات کے مطابق فلم کی ریلیز کے بعد سوشل میڈیا پر ڈائیلاگز، وی ایف ایکس، پربھاس، سیف علی خان اور کریتی سینن کے لکس کو لے کر کافی تنازعہ ہوا تھا۔ اگرچہ فلم باکس آفس پر ناکام رہی، لیکن فلم شائقین اب بھی ڈیجیٹل پلیٹ فارم پر پربھاس اسٹارراس فلم کی ریلیز کا انتظار کر رہے ہیں۔

فلم ‘آدی پروش’ رامائن پر مبنی ہے۔ فلم میں پربھاس نے رام، کریتی سینن نے سیتا، سنی سنگھ نے لکشمن، سیف علی خان نے راون اور دیودت ناگے ہنومان کا کردار اداکیا ہے۔ فلم اوم راوت نے لکھی ہے اور اس کی ہدایت کاری بھی کی  ہے۔

یہ فلم ہندی سمیت کئی زبانوں میں ریلیز ہوئی۔ اس فلم نے ریلیز سے قبل ہی کافی دھوم مچا دی تھی لیکن سینما گھروں میں پہنچنے پر اسے ناظرین کے ساتھ ساتھ کریٹیکس کی جانب سے بھی مایوس کن ردعمل ملا۔ آل انڈیا سنے ورکرز ایسوسی ایشن نے بھی فلم کی ٹیم کے خلاف کارروائی کا مطالبہ کیاتھا۔