بالی ووڈ سے ہالی ووڈ تک اپنی پہچان بنانے والی دیسی گرل پرینکا چوپڑا تقریباً تین سال بعد بھارت واپس آئی ہیں۔ پرینکا ممبئی ایئرپورٹ پہنچیں تو پاپرازیوں نے انہیں گھیر لیا اور ان کی کئی تصاویر کیمرے میں قید کر لیں۔ تاہم اس دوران ان کی بیٹی مالتی میری ان کے ساتھ نہیں تھیں۔ وہیں پرینکا کے ایئرپورٹ پہنچنے کے بعد کی کئی تصاویر سوشل میڈیا پر وائرل ہو رہی ہیں۔
ان تصاویر کے منظر عام پر آنے کے بعد مداح ان سے پوچھ رہے ہیں کہ ان کی بیٹی مالتی میریکہاں ہیں؟ شائقین کو توقع تھی کہ مالتی بھی پرینکا کے ساتھ آئیں گی۔ ایسے میں ان کی بیٹی کو ساتھ نہ دیکھ کر مداحوں میں تھوڑی ناراضگی ہے۔
پرینکا نے جہاز کے اندر سے تصویر شیئر کرتے ہوئے بتایا کہ وہ ممبئی پہنچ چکی ہیں۔ اس کے بعد انہوں نے ایک چھوٹی سی ویڈیو شیئر کی، جو انہوں نے کار میں بیٹھ کر بنائی۔ انہوں نے کیپشن میں لکھا، ‘ممبئی میری جان‘۔
اس کے بعد پرینکا چوپڑا نے ممبئی میں اپنے گھر پہنچتے ہی آرام کیا اور ٹی وی پر کرن جوہر کا شو ‘کافی ود کرن’ بھی دیکھا۔ انہوں نے کیپشن میں لکھا کہ اگر آپ نے کرن جوہر کا شو ٹی وی پر نہیں دیکھا توتب تک آپ ممبئی میں نہیں ہیں۔ اس کے ساتھ ہی وہ اپنا پسندیدہ جنک فوڈ بھی کھا رہی ہے۔
ورک فرنٹ کی بات کریں توپرینکا چوپڑا جلد ہی ہالی ووڈ فلم ’اٹز آل کمنگ بیک ٹو می‘ میں نظر آئیں گی۔ اس کے علاوہ پرینکا اداکارہ عالیہ بھٹ اور کٹرینہ کیف کے ساتھ فلم ’جی لے ذرا‘ میں بھی نظر آئیں گی۔
