راج کمار راؤ اورجہانوی کپور کی فلم ’روحی افزانہ‘ کا نام ہوا روحی

راج کمار راؤ اور  جہانوی کپور کی فلم ’روحی افزانہ‘ کافی عرصے سے خبروں میں   ہے۔ اس فلم کا نام ایک بار پھر بدل گیا ہے اور فلم سازوں نے اب اس کا نام روحی افزانہ سے بدل کر ’روحی‘کردیا ہے۔ اگرچہ اس سے پہلے بھی اس فلم کا نام تبدیل کردیا گیا تھا، اس سے قبل اس فلم کا نام روحی افزا رکھا گیا تھا۔

 اس کے بعد فلم سازوں نے فلم کا نام تبدیل کرکے روحی افزانہ اور اب ’روحی‘کردیا۔ فلم کے نئے نام کے ساتھ، فلم سازوں نے فلم کی ریلیز کی تاریخ کا بھی اعلان کیا ہے، جس کی معلومات جہانویکپور نے انسٹاگرام پر شیئر کی ہیں۔ جہانوی کپور نے لکھا’’اس  بھوتیا شادی  میں آپ کا استقبال ہے۔   سنیما گھروں میں جادو لوٹ رہا ہے۔۔ فلم 11 مارچ کو ریلیز ہو رہی ہے۔‘‘

راج کمار راؤ اورجہانوی کپور کے علاوہ اداکار ورون شرما بھی فلم’روحی‘ میں نظر آئیں گے۔ یہ ایک ہارر کامیڈی فلم ہے۔ فلم میں جہانوی کپور روحی اروڑا اور افزانہ بیدی کے کردار میں ڈبل کردار میں نظر آئیں گی۔

اسی کے ساتھ ہی اس فلم میں راجکمار راؤ گیگن اگروال اور ورون شرما چیکو کے روپ میں نظر آئیں گے۔ فلم میں دیگر اداکار پنکج ترپاٹھی اور رونت رائے بھی ہوں گے۔

 فلم کے ہدایتکار ہاردک مہتا ہیں۔ اس فلم کو دنیش وژن اور مرگ دیپ سنگھ لامبا نے پروڈیوس کیا ہے۔ فلم کو جیو اسٹوڈیو پیش کرے گا۔فلم ’روحی‘رواں سال 11 مارچ کو مہاشیوراتری کے موقع پر سینما گھروں کی زینت بنے گی۔