نئی دہلی، 25 اکتوبر (انڈیانیرٹیو)

پیر کو، نئی دہلی کے وگیان بھون میں 67 ویں قومی فلم ایوارڈ تقریب میں نائب صدر ایم وینکیا نائڈواورمرکزی وزیراطلاعات انوراگ ٹھاکرنے فلم ایوارڈ یافتگان کو ایوارڈسے نوازا۔ اس موقع پر وزیر مملکت برائے اطلاعات و نشریات ایل مورگن بھی موجود تھے۔

 اس ایوارڈکااعلان رواں سال 22 مارچ کو کیا گیاتھا۔

اس بار ہندی سنیما کے زمرے میں آنجہانی اداکار سوشانت سنگھ راجپوت کی سال 2019 میں ریلیز ہونے والی فلم چھچھورے کو بہترین ہندی فلم کے ایوارڈ سے نوازا گیا ہے۔ فلم ذہنی صحت جیسے سنجیدہ موضوع پر بات کرتی ہے۔ اس کے علاوہ اداکارہ کنگنا رناوت کو فلموں ' منیکرنیکا ' اور ' پنگا ' کے لیے بہترین اداکارہ کا ایوارڈ دیا گیا۔ منوج باجپائی اور ساؤتھ کے سپر اسٹار دھنوش کو مشترکہ طور پر بہترین اداکار کا ایوارڈ دیا گیا۔

سپر اسٹار رجنی کانت کو دادا صاحب پھالکے ایوارڈ سے نوازا گیا۔ اس کے علاوہ، بہترین مرد پلے بیک سنگر کا ایوارڈ گلوکار بی پراک کو اداکار اکشے کمار کی فلم ' کیسری ' کے سپر ہٹ گانے ' تیری مٹی ' کے لیے دیا گیا۔

اس کے علاوہ بہترین معاون اداکار اور اداکارہ اور فلم کے دیگرصنفوں میں بہترین کارکردگی کیلئے  کیلئے مختلف لوگوں کو ایوارڈ سے نوازا گیا۔