سلمان خان کی آنے والی فلم 'کبھی عید کبھی دیوالی' اگلے سال عید پر یعنی 2023 میں ریلیز ہونے والی تھی لیکن اب میکرس نے اس فلم کو اپنے مقررہ وقت سے بہت پہلے ریلیز کرنے کا فیصلہ کیا ہے اور اب یہ فلم رواں سال 30 دسمبر کو ریلیز کی جائے گی۔

میکرس کے اس اعلان کے بعد شائقین بہت پرجوش ہیں اور فلم کی ریلیز کا بے صبری سے انتظار کر رہے ہیں۔

اداکارہ پوجا ہیگڑے پہلی بار سلمان خان کے ساتھ’کبھی عید کبھی دیوالی‘ میں اسکرین شیئر کر رہی ہیں۔ ان دونوں کے علاوہ سورج پنچولی، سورج اقبال اور ظاہر اقبال بھی اہم کرداروں میں نظر آئیں گے۔فلم 'کبھی عید کبھی دیوالی' کی کہانی پروڈیوسر ساجد ناڈیادوالا نے لکھی ہے اور فلم کے پروڈیوسر بھی ساجد ناڈیادوالا ہیں۔ فلم کے ہدایت کار فرہاد سامجی ہیں۔ فلم 30 دسمبر 2022 کو سینما گھروں کی زینت بنے گی۔