کافی عرصے سے خبروں میں بنی ایشان کھٹر، کٹرینہ کیف اور سدھانت چترویدی کی آنے والی ہارر کامیڈی فلم ‘فون بھوت’ کی ریلیز کے لئے تیارہے۔

دریں اثنا، جمعرات کو میکرز نے فلم کا پہلا لک اور موشن پوسٹر جاری کیا۔ اس کے ساتھ ہی فلم کی ریلیز کی تاریخ اور ٹریلر کی ریلیز کی تاریخ کا بھی اعلان کیا گیا ہے۔

فلم کا ٹریلر رواں ماہ 10 اکتوبر کو ریلیز کیا جائے گا۔ ساتھ ہی یہ فلم رواں سال 4 نومبر کو ریلیز کی جائے گی۔

‘فون بھوت’ ایک ہارر کامیڈی فلم ہے جس میں ایکشن بھی ہوگا۔ رپورٹس کے مطابق فلم کی کہانی ایک ایسی دکان کی ہوگی جہاں بھوتوں سے متعلق ہر مسئلہ کو روکا جاتا ہے۔

فلم میں سدھانت اور ایشان دونوں بھوت پکڑنے والے کا کردار ادا کریں گے۔فلم میں تینوں مرکزی اداکار پہلی بار ایک دوسرے کے ساتھ اسکرین شیئر کرتے نظر آئیں گے۔

فلم کے ہدایت کار گرمیت سنگھ ہیں۔ فلم کو رتیش سدھوانی اور فرحان اختر مشترکہ طور پر پروڈیوس کریں گے۔ فلم کی کہانی روی شنکرن اور جسوندر سنگھ باتھ نے لکھی ہے۔