امرتسر ایئرپورٹ سے ننگے پاوں گولڈن ٹیمپل پہنچے’آر آر آر‘ فیم رام چرن

<p dir="RTL" style="text-align: justify;">
<strong>رام چرن آیپا دیکشا مہاورت کی وجہ سے 41 دنوں سے برہمی کا ورت رکھ رہے ہیں</strong></p>
<p dir="RTL" style="text-align: justify;">
<strong>’آر آر آر‘  نے 12 دنوں میں تقریباً 900 کروڑ کمائے ہیں</strong></p>
<p dir="RTL" style="text-align: justify;">
پیریڈ ڈرامہ فلم 'آر آر آر' فیم سپر اسٹار رام چرن گرو کی نگری  امرتسر پہنچے۔ جب وہ امرتسر کے سری گرو رام داس بین الاقوامی ہوائی اڈے سے باہر آئے تو انہوں نے اپنے پاوں میں جوتے یا چپل نہیں پہن رکھی تھی۔ یہ دیکھ کر سب حیران رہ گئے۔ رام چرن اپنے پالتو کتے رائم کے ساتھ ننگے پاؤں ایئرپورٹ سے باہر آئے  اور اپنی کار میں ہوٹل کے لیے روانہ ہوگئے۔ بتایا جا رہا ہے کہ وہ اگلے 15 دنوں تک امرتسر میں اپنی اگلی فلم کی شوٹنگ کریں گے۔</p>
<p dir="RTL" style="text-align: justify;">
دراصل رام چرن نے اس وقت آیپا دیکشا مہاورت رکھا ہوا ہے۔ اس وجہ سے وہ 41 دنوں سے برہمی پر عمل کر رہے ہیں اور اس دوران وہ اپنے پیروں میں کچھ نہیں پہنیں گے۔ ہوٹل میں مختصر قیام کے بعد، رام چرن اپنے ساتھی فنکاروں کے ساتھ  سری ہریمندر صاحب پہنچے۔ گرودوارہ انتظامیہ نے ان کو سروپا (انگواسترا) دے کر ان کی عزت افزائی کی۔ لوگوں کا ہجوم انہیں دیکھنے کے لیے جمع ہوگیا۔ رام چرن نے بھی اپنے مداحوں سے ہاتھ ملایا اور مسکراہٹ کے ساتھ ان کا خیر مقدم قبول کیا۔ شری گردوارہ صاحب میں کچھ دیر ٹھہرنے کے بعد، رام چرن ہوٹل واپس چلے گئے۔</p>