بین الاقوامی سطح پر پہچان بننے والی بالی ووڈ کی دیسی گرل پرینکا چوپڑا کو حال ہی میں کچھ رپورٹس میں نک جونس کی بیوی کے طور پر متعارف کرایا گیا ہے۔ ایسا تعارف دیکھ کر پرینکا چوپڑا کو اپنا ایسا تعارف دیکھ کر غصہ آیا اور  انہیں  حیرانی بھی ہوئی۔ جس کے بعد پرینکا نے اپنی انسٹا اسٹوری کا حوالہ دیتے ہوئے اس پر ردعمل ظاہر کرتے ہوئے سوال پوچھا ہے کہ آج بھی خواتین کے ساتھ ایسا کیوں ہوتا ہے؟

دراصل، پرینکا چوپڑا کو 'نک جونس کی بیوی' کہنے پر  ناراض ہیں۔ انہوں نے انسٹاگرام اسٹوری پر ایسی ہی کچھ رپورٹس کے اسکرین شاٹس شیئر کیے ہیں جس میں انہیں 'نک جونس کی بیوی' کہا گیا ہے۔ اس رپورٹ کو شیئر کرتے ہوئے پرینکا نے لکھا – 'بہت دلچسپ کہ میں دنیا کی سب سے مشہور فرنچائزز میں سے ایک کو پروموٹ کر رہی ہوں اور مجھے اب بھی وائف آف… پرینکا نے مزید لکھا کہ برائے مہربانی جواب دیں کہ آج بھی خواتین کے ساتھ ایسا کیوں ہوتا ہے؟ کیا مجھے اپنے بائیو میں آئی ایم ڈی بی (انٹرنیٹ مووی ڈیٹا بیس) کا لنک شامل کرنا چاہیے؟ اس کے ساتھ پرینکا نے اس پوسٹ میں اپنے شوہر نک جونس کو بھی ٹیگ کیا ہے۔

قابل ذکر بات یہ ہے کہ پرینکا چوپڑا نے   حال ہی میں  موسٹ ایڈمائرڈخواتین 2021 کی فہرست میں اپنی جگہ بنائی ہے۔ وہ ایک نامور اداکارہ اور پروڈیوسر کے ساتھ ساتھ 'عالمی یونیسیف کی خیر سگالی سفیر' بھی ہیں۔ پرینکا چوپڑا ان دنوں اپنی ہالی ووڈ فلم 'دی میٹرکس ریسریکشنس' کی تشہیر میں مصروف ہیں۔