بالی ووڈ اداکار شاہ رخ خان اور عامر خان کے درمیان کافی  دوستانہ تعلقات ہیں۔ یوں تو آج دونوں نے اپنی زندگی میں بہت کچھ حاصل کر لیا ہے لیکن درمیان میں ایک وقت ایسا بھی آیا جب دونوں نے ایک دوسرے پر بہت تنقید کی تھی۔ اس سے پہلے بھی دونوں اچھے دوست تھے۔

 شاہ رخ کو ٹیکنالوجی سے بے حد محبت ہے۔ وہ کسی بھی نئی ٹیکنالوجی کے بارے میں جاننے کے لیے ہمیشہ آگے رہتے ہے۔1996 کے دوران نئی ٹیکنالوجی کے ساتھ ایک نیا لیپ ٹاپ مارکیٹ میں آیا۔ اس وقت شاہ رخ نے عامر خان کو لیپ ٹاپ لینے کا مشورہ دیا تھا۔ بالآخر شاہ رخ نے خود عامر کے لیے لیپ ٹاپ خریدا اور انہیں تحفے میں دیا۔ تاہم عامر خان نے 5 سال تک اس لیپ ٹاپ کو ہاتھ تک نہیں لگایا۔ حال ہی میں ایک پروگرام کے دوران عامر نے یہ واقعہ سنایا۔

عامر نے کہا، ”ٹیکنالوجی اور میرا کوئی دور کا رشتہ نہیں ہے۔ میں آپ کو ایک لطیفہ سناتا ہوں۔ 1996 کے دوران میں اور شاہ رخ ایک شو کے لیے بیرون ملک تھے۔ اس وقت توشیبا کمپنی کا نیا بلینک لیپ ٹاپ مارکیٹ میں آیاتھا۔ شاہ رخ تب بھی اس کو لے کر بہت پرجوش تھے۔ اس وقت مجھے واقعی لیپ ٹاپ کی ضرورت نہیں تھی۔ پھر شاہ رخ نے میرے لیے بھی وہی لیپ ٹاپ خریدا“۔

عامر نے مزید کہا،”پانچ سال بعد، جب میرے ایک نئے مینیجر نے مجھ سے الگ رکھا ہو ا لیپ ٹاپ طلب کیا، تب میں نے اسے دے دیا، لیکن لیپ ٹاپ کام نہیں کر رہا تھا۔ میں نے تقریباً 5 سال تک اس لیپ ٹاپ کو ہاتھ تک نہیں لگایا“۔ اچھے دوست ہونے کے باوجود دونوں نے ابھی تک ایک ساتھ کام نہیں کیا۔ دونوں کو پہلی اور آخری بار آشوتوش گواریکر کی فلم ‘پہلا نشہ’ میں ایک اسپیشل اپیئرینس میں  ساتھ دیکھا گیا تھا۔