شائقین شاہ رخ خان کی آنے والی فلم ’ جوان‘ کو لے کر پرجوش ہیں۔ حال ہی میں ریلیز ہونے والی فلم کے پری ویو پر لوگوں نے اپنی محبت کا بھرپور اظہار کیا۔ اس کو تسلیم کرتے ہوئے ایس آر کے نے ایک بار پھر مداحوں کے ساتھ جڑنے کے لیے ایک بار پھر اپنا پاپولر ہیس آسک ایس آر کے سیشن ہوسٹ کیا۔
یہی نہیں اس سیشن کے اختتام پر شاہ رخ خان نے مداحوں کو زبردست سرپرائز دیتے ہوئے ’ جوان‘ کا نیا پوسٹر جاری کیا ہے ، جس سے ان کے تمام مداحوں کی خوشی دوبالا ہو گئی ہے، ایس آر کے نے اپنے کسی بھی ہیس آسک آیس آر کے سیشن میں پہلے کبھی ایسا نہیں کیا ہے، اس لیے یہ سبھی مداحوں کے لیے بے حد یادگار اور خاص بن گیا۔
فلم ’ جوان‘ کے اس نئے اور شاندار پوسٹر میں شاہ رخ خان کا انٹینس بولڈ لک دکھایا گیا ہے۔ جو جوان پری ویو کے بعد سپر پاپولر ہوگیا ہے۔ اس پوسٹر نے فلم کے لئے پہلے سے بڑھ رہے جوش کو اور بڑھا دیا ہے۔
سوشل میڈیا پر شاہ رخ خان کا آسک ایس آر کے سیشن مداحوں کے لیے سپر اسٹار کے ساتھ بات چیت کرنے اور ان کے دلچسپ جوابات دیکھنے کا ایک خصوصی موقع ہے۔ ’جوان‘ کے پریویو کی سنسنی خیز ریلیز کے بعد ، شائقین آسک ایس آر کے پر شاہ رخ کے آنے کا بے صبری سے انتظار کر رہے تھے۔ ایسے میں، بغیر کسی تاخیر کے، سپر اسٹار نے حال ہی میں اپنے مداحوں سے اپنے مخصوص انداز میں بات کی۔
اس کے علاوہ ، جوان کے ایکشن سے بھرپور پیش نظارہ میں شاہ رخ خان کے مختلف انداز نے بات چیت شروع کردی ہے جیسا کہ پہلے کبھی نہیں ہوا تھا۔
