بالی ووڈ کے ‘ڈسکو ڈانسر’ کے نام سے مشہور معروف اداکار متھن چکرورتی 16 جون کو اپنا 73واں یوم پیدائش  منا رہے ہیں۔ متھن چکرورتی نے بالی ووڈ کو کئی سپر ہٹ فلمیں دی ہیں۔ انہوں نے اپنے فلمی کیریئر میں 350 سے زائد فلموں میں کام کیا۔ شاندار  اداکاری کے ساتھ ساتھ ان کے ڈانسنگ اسٹائل کے بھی بہت سے مداح ہیں۔ بہت سے مداح انہیں پیار سے متھن دا کہتے ہیں۔

فلموں کے ساتھ ساتھ، متھن چکرورتی نے بالآخر سیاست میں قدم رکھا۔ متھن چکرورتی سیاسی گلیاروں میں بھی پارٹی تبدیلی کی وجہ سے ہمیشہ سرخیوں میں رہتے ہیں۔ متھن چکرورتی کا اب تک کا سفر کافی دلچسپ ہے۔ 73 سال کی عمر میں بھی وہ اسی جوش و جذبے کے ساتھ فلموں میں سرگرم ہیں۔ آج متھن چکرورتی کی سالگرہ کے موقع پر ہم ان کی زندگی سے متعلق کچھ دلچسپ حقائق جاننے جارہے ہیں۔

متھن چکرورتی کا اصل نام

اداکار متھن چکرورتی کا اصل نام گورانگ چکرورتی ہے۔ وہ 16 جون 1950 کو پیدا ہوئے۔ متھن نے اپنی اسکولی تعلیم کولکاتا سے حاصل کی ہے۔ بہت کم لوگ جانتے ہیں کہ متھن چکرورتی کیمسٹری کے گریجویٹ ہیں۔ اس کے علاوہ انہوں نے فلم اینڈ ٹیلی ویژن انسٹی ٹیوٹ آف انڈیا، پونے سے ایکٹنگ کورس میں گریجویشن مکمل کیا ہے۔

نکسل تحریک

اداکاری کے میدان میں آنے سے پہلے، متھن چکرورتی اپنے کالج کے دنوں میں نکسلی تحریک سے بہت متاثر تھے۔ متھن ایک نکسلی گروپ میں کام کر رہے تھے  لیکن ایک واقعہ کی وجہ سے انہوں نے نکسل ازم سے منہ موڑ گیا۔ متھن چکرورتی کے بھائی کی ایک حادثے میں موت ہو گئی۔ پورے خاندان کی ذمہ داری متھن پر آ گئی۔ اس لیے انہوں  نے نکسل ازم چھوڑ دیا اور اپنے خاندان کے پاس واپس آگئے۔

متھن کی پہلی فلم

متھن چکرورتی نے 1976 میں مرنال  سین کی فلم ‘مرگیا’ سے بالی ووڈ میں قدم رکھا۔ متھن نے اپنی پہلی فلم کے لیے بہترین اداکار کا نیشنل ایوارڈ جیتا ۔ اس سے آپ سمجھ سکتے ہیں  کہ متھن چکرورتی کتنے بہترین اداکار ہیں۔

تین سو پچاس سے زیادہ فلمیں

فلم مرگیا کے بعد متھن چکرورتی نے ہر طرح کی چھوٹی بڑی فلموں میں کام کرنا شروع کردیا۔ 350 سے زائد فلموں میں کام کیا۔ ڈسکو ڈانسر، اگنی پتھ، جلاد، کمانڈو، گرو، اوہ مائی گاڈ، شوقین ، سوامی دادا، پسند اپنی، گھر ایک مندر، جاگو، تتلی جیسی فلمیں سپرہٹ رہیں ۔ متھن چکرورتی کی خاصیت یہ ہے کہ وہ ایک آل راونڈر تھے، یہی وجہ ہے کہ انہوں نے اپنی اداکاری کے ساتھ ساتھ اپنے شاندار ڈانس اور ایکشن کی وجہ سے بھی کافی شہرت حاصل کی۔ ہندی کے ساتھ انہوں نے بنگالی، ہندی، بھوجپوری، تیلگو، کنڑ اور پنجابی فلموں میں بھی اپنا جادو دکھایا۔

لمکا بک آف ریکارڈز

متھن چکرورتی کبھی بالی ووڈ کے مصروف ترین اداکاروں میں سے ایک تھے۔ یہ آپ ان کی کئی فلموں سے سمجھ سکتے ہیں۔ لیکن سب سے خاص ان کا ریکارڈ ہے جسے آج تک کوئی نہیں توڑ سکا۔ 1989 میں، متھن نے بطور مرکزی اداکار 19 فلمیں ریلیز کیں۔ اس کے لیے متھن کا نام لمکا بک آف ریکارڈ میں درج کیا گیا ہے۔ اب تک کوئی بھی اس ریکارڈ کو توڑنے میں کامیاب نہیں ہو سکا۔

ایواڈز

متھن چکرورتی اب تک سینکڑوں ملکی اور غیر ملکی ایوارڈز حاصل کر چکے ہیں جن میں 3 نیشنل ایوارڈز، 2 فلم فیئر ایوارڈز شامل ہیں۔ متھن چکرورتی کی فلمیں نہ صرف ملک میں بلکہ بیرون ملک بھی زبردست ہٹ ہوئیں۔ متھن چکرورتی کی ملک کے کونے کونے میں بہت زیادہ مداح ہیں۔