ہندی سینما کے کامیاب ہدایت کار ، فلم ساز اور اسٹائلش اداکار فیروز خان

<p dir="RTL" style="text-align: justify;">
<strong>ہندی سینما کے کامیاب ہدایت کار ، فلم ساز اور اسٹائلش اداکار فیروز خان</strong></p>
<p dir="RTL" style="text-align: justify;">
<strong><span dir="LTR">27 </span>اپریل برسی کے موقع پر خاص پیش کش</strong></p>
<p dir="RTL" style="text-align: justify;">
فیروز خان کے بارے میں اگر کہا جائے کہ وہ بہ حیثیت ہدایت کار اور فلم ساز زیادہ کامیاب تھے تو یہ کچھ غلط نہیں ہو گا ۔انہوں نے خود کو محض اداکاری تک محدود نہیں رکھا بلکہ فلمیں پروڈیوس بھی کیں اور ہدایت کاری کے میدان میں بھی اپنا لوہا منوا لیا۔</p>
<p dir="RTL" style="text-align: justify;">
فیروز خان کی پیدائش 25 ستمبر 1939کو بنگلور میں ہوئی تھی۔ان کے والد پٹھان اور والدہ کا تعلق ایرانی نسل سے تھا۔انہوں نے اپنی آرزؤوں اور امنگوں کے ساتھ پروقار اور شاہانہ زندگی بسرکی اور ہندوستانی سینما کو اپنی اداکاری اور فن کاری کا بیش بہا خزانہ عطا کیا۔</p>
<p dir="RTL" style="text-align: justify;">
فلموں کے مختلف شعبوں سے وابستہ فیروز خان نے پردۂ سیمیں پر اپنی فنی صلاحیتوں اور ہمہ جہت اداکاری کی بدولت فلم انڈسٹری میں وہ مقام حاصل کیا جو انہیں مقبولیت اور شہرت کی بلندیوں پر لے گیا۔فلم کے مختلف شعبوں سے وابستہ فیروز خان صرف ایک اداکار ہی نہیں تھے بلکہ ان کی اپنی الگ شناخت تھی،منفرد اسلوب تھا جو انہوں دیگر فن کاروں سے ممتاز کرتا ہے اور اس انفرادیت کو انہوں نے تاحیات برقرار رکھا۔کہا جاسکتا ہے کہ فیروز خان نے اپنی آرزؤوں اور امنگوں کے ساتھ پروقار اور شاہانہ زندگی بسرکی اور ہندوستانی سنیما کو اپنی اداکاری اور فن کاری کا بیش بہا خزانہ عطا کیا۔</p>
<p dir="RTL" style="text-align: justify;">
فلم انڈسٹری میں ان کی شناخت ایک اسٹائل آئی کون کے طور پر سمجھی جاتی تھی۔ان کی منفرد اداکاری اور شاہانہ انداز ہمیشہ لوگوں کے لیے باعث کشش رہی۔وہ نہایت نفاست پسند انسان تھے۔خوب صورت ملبوسات’قیمتی گاڑیوں ’عمدہ نسل کے گھوڑوں سے انہیں بے پناہ لگاؤ تھا’جس کا دیدار ان کی ہر فلم میں کیا جاسکتا ہے۔</p>