سشانت سنگھ راجپوت کی آخری فلم 'دل بے چارہ' کا ایک سال پوراہونے پرسنجنا سانگھی کی جذباتی پوسٹ
آنجہانی اداکار سشانت سنگھ راجپوت کی آخری اور سنجنا سانگھی کی پہلی بالی ووڈ فلم ' دل بیچارا ' نے آج اپنی ریلیز کا ایک سال مکمل کرلیا ہے۔سوشانت کے دوست اور کاسٹنگ ڈائریکٹر مکیش چھابرا کی ہدایت کاری میں بننے والی یہ فلم 24 جولائی 2020 کوOTT پلیٹ فارم ڈزنی پلس ہاٹ اسٹارپر ریلیز ہوئی تھی۔
جیسے ہی اس فلم کو آج ایک سال مکمل ہوا، اداکارہ سنجنا سانگھی نے فلم کی شوٹنگ سے کچھ تصاویر شیئر کرتے ہوئے سشانت سنگھ راجپوت کو یاد کیا اور اس کے ساتھ ایک جذباتی نوٹ بھی لکھا۔ سنجنا نے لکھا – ' ایک سال پہلے، دل بیچارا کی ریلیز کی شام میری گھبراہٹ کی انتہا نہیں تھی۔ آج ہم نے اس کا ایک سال مکمل کیا ہے۔
میں ہمیشہ کے لیے تمہاری ہوچکی ہوں۔ آپ کا شکریہ اس فلم کی دیکھ بھال کیلئے، اور اس کو ایسا بنانے کے لیے جس کے بارے میں ہم نے خواب میں بھی نہیں سوچاتھا۔ ہر کامیابی کی طرح، یہ بھی آپ کی کامیابی ہے۔ دلی شکریہ صرف آپ ہی ذہن میں رہتے ہیں، سوشانت سنگھ راجپوت۔
قابل ذکرہے کہ فلم دل بیچارا میں سنجنا کزی اور سوشانت مینی کے کردار میں تھیں۔ فلم کو ناظرین سے بے حد محبت ملی، لیکن اس فلم کی ریلیز سے قبل ہی، سوشانت سنگھ راجپوت نے 14 جون، 2020 کو ممبئی کے باندرا میں واقع اپنے فلیٹ میں خودکشی کرلی۔
