سیریل 'گم ہے کسی کے پیار میں' سائیں کہیے گی ویراٹ سے اپنے من کی بات
اسٹار پلس کی مشہور سیریل 'گم ہے کسی کے پیار میں' کو ناظرین میں خوب پسند کیا جارہا ہے۔ نیل بھٹ ، ایشوریہ شرما اور عائشہ سنگھ اسٹارر اس سیریل میں ان دنو دکھایا جا رہا ہے کہ سئی (عائشہ سنگھ ) اپنے شوہر ویراٹ(نیل بھٹ) کے ساتھ چوہان ہاوس واپس آ گئی ہیں اور ویراٹ کا خوب خیال رکھ رہی ہیں ۔ ویراٹ اور سئی کی نزدیکیاں پاکھی (ایشوریہ شرما) کو پریشان کر رہی ہیں ۔ وہیں گھر واپس آنے کے بعد سئی اس ویراٹ سے اپنے من کی بات کہنے والی ہے اور اسے یہ جتانے والی ہے کہ وہ اسے پیار کرنے لگی ہے ۔
آنے والے ایپیسیوڈ میں سئی ویراٹ کا ہاتھ تھام کر اپنے دل کی بات کہے گی ۔ سئی بتائے گی کہ اس نے ویراٹ کو بہت مس کیا اور اس کے لئے ویراٹ کے بغیر رہنا بہت مشکل ہے ۔ سئی اس بات کا انکشاف کرے گی کہ وہ اپنے رشتے کو ای اور موقع دینا چاہتی ہیں ۔ یہ بات سن کر ویراٹ خوش ہو جائے گا۔ وہیں سئی ویراٹ کو کہے گی کہ وہ چاہتی ہے کہ دیویانی اور پولکیت کی شادی کے دوران انہیں خاندان کا ساتھ نہیں ملا تھ الیکن اب ان کی شادی ہو گئی ہے اور وہ چاہتی ہیں کہ انہیں بھی خاندان کا آشیر واد اور ساتھ ملے۔
ویراٹ یہ سن کر حیران رہ جائیں گے کہ گھر میں سئی کی توہین کے بعد بھی سیئی اپنی بہن دیویانی اور پلکیت کے بارے میں سوچ رہی ہے۔ تاہم ، ویراٹ جانتے ہیں کہ ان کا کنبہ دیوانی اور پلکیت کی شادی سے خوش نہیں ہے اور وہ انہیں اپنا آشیر واد بھی نہیں دیں گے۔
