کارتک آرین کی آنے والی فلم ‘شہزادہ’ کا ٹیزر ان کی سالگرہ پر ہوا ریلیز

فلم اداکار کارتک آرین آج اپنا 32واں یوم پیدائش منا رہے ہیں۔ اس خاص موقع پر ان کی آنے والی فلم شہزادہ کے میکرز نے فلم کا شاندار ٹیزر جاری کیا ہے۔ کارتک آرین نے فلم کا یہ ٹیزر مداحوں کے ساتھ سوشل میڈیا پر شیئر کیا ہے۔ اس کے ساتھ ہی انہوں نے کیپشن میں لکھا – ’جب بات فیملی پر آئے تو ڈسکشن نہیں کرتے ۔۔۔ ایکشن کرتے ہیں !‘۔

فلم کے اس ٹیزر میں کارتک مکمل ایکشن کرتے نظر آ رہے ہیں۔ ٹیزر میں کارتک کا سگنیچر اسٹیپ بھی دیکھا جا سکتا ہے۔ اس فلم میں کارتک کے ساتھ اداکارہ کریتی سینن بھی مرکزی کردار میں ہیں اور ان کی جھلک بھی ٹیزر میں دیکھی جا سکتی ہے۔ کارتک اور کریتی کی یہ فلم ساو¿تھ کے الا ویکنٹھام پورلو کی ہندی ریمیک ہے۔ اس فلم میں کارتک اور کریتی کے علاوہ پریش راول، منیش راول اور رونیت بوس رائے بھی اہم کرداروں میں نظر آئیں گے۔ روہت دھون کی ہدایت کاری میں بننے والی یہ فلم 10 فروری 2023 کو ریلیز ہوگی۔