Urdu News

چنئی کی جیت پر جھوم اٹھے وکی کوشل اور سارہ علی خان، سوشل میڈیا پر ٹرول

وکی کوشل اور سارہ علی خان نے چنئی کی جیت پر لگائے ٹھمکے

آئی پی ایل 2023 کا فائنل میچ بہت دلچسپ رہا۔ چنئی سپر کنگز کی ٹیم نے ایک بار پھر آئی پی ایل ٹرافی جیت لی ہے۔ میچ کے دوران اداکار وکی کوشل اور اداکارہ سارہ علی خان بھی اپنی فلم ’’ زرا ہٹکے زرا بچکے ‘‘ کی تشہیر کے لیے پہنچے ۔ ابتدائی طور پر دونوں کو گجرات ٹائٹنز کی ٹیم کو سپورٹ کرتے دیکھا گیا تھا۔ لیکن ، گجرات کی شکست کے بعد، دونوں کو چنئی کی جیت کا جشن مناتے ہوئے دیکھا گیا۔ اب اس معاملے کو لے کر دونوں کو ٹرول کیا جا رہا ہے۔

اداکارہ سارہ علی خان اور اداکار وکی کوشل اس سے قبل گجرات ٹائٹنز کی حمایت کر چکے ہیں۔ دونوں ٹیم کو خوش کرتے نظر آئے۔ راشد خان کے آؤٹ ہونے پر سارہ علی خان کافی پریشان تھیں۔ ساتھ ہی وکی گجرات کے رنوں پر خوشی کا اظہار کرتے بھی نظر آئے۔ لیکن ، اس کے بعد جب چنئی جیت گیا، وکی نے اپنی خوشی کا ایک ویڈیو شیئر کرکے ٹیم کو مبارکباد دی۔ وکی اور سارہ چنئی کی جیت پر خوشی کا اظہار کرتے نظر آئے۔ تاہم جب مداحوں نے یہ دیکھا تو انہوں نے دونوں کو ٹرول کرنا شروع کردیا۔

اس ویڈیو پر مداحوں نے اپنی رائے دینا شروع کر دی ہے۔ اس پر ایک شخص نے لکھا ، ’’ دونوں کی اداکاری کمال کی ہے۔‘‘ پہلے وہ جی ٹی کی حمایت کر رہے تھے۔ اسی دوران ایک اور شخص نے لکھا کہ بھائی یہ دونوں کس کی طرف ہیں ؟ چھکوں سے بھی خوش اور وکٹ سے بھی خوش۔ ایک اور شخص نے لکھا ، ” اتنا جھوٹ کیوں ؟ دیکھیں وہ کہاں بیٹھے ہیں اور کس ٹیم کو سپورٹ کر رہے ہیں!۔

Recommended