وکی کوشل نے اپنی اہلیہ کترینہ کے بارے میں کیے دلچسپ انکشاف

کترینہ کیف اور وکی کوشل بالی ووڈ کی مشہور جوڑی ہیں۔ انہوں نے دسمبر 2021 میں شادی کے بندھن میں بندھ کر ایک نئی زندگی کا آغاز کیا۔ اس دوران وکی نے اپنی شادی شدہ زندگی سے متعلق ایک انکشاف کیا ہے۔

وکی نے کہا ’سب سے مزے کی بات تب ہوتی ہے جب کترینہ ہر ہفتے اسٹاف میٹنگ کرتی ہیں۔ وہ پورے عملے کو اکٹھا کرتی ہے اور بجٹ سے لے کر گھر کی ہر چیز پر تبادلہ خیال کرتی ہے۔ پیسہ کہاں اور کیسے خرچ ہوتا ہے اس پر نظر رکھتی ہے۔ جب یہ بحث ہوتی ہے تو مجھے بہت لطف آتا ہے۔ میں پاپ کارن کھاتے ہوئے اس میٹنگ سے لطف اندوز ہوتا ہوں۔

گزشتہ کچھ دنوں سے کترینہ کے حاملہ ہونے کی خبر چل رہی تھی۔ تاہم وکی کوشل کی ٹیم نے ان مباحثوں پر خاموشی اختیار کی اور واضح کیا کہ’یہ تمام بحثیں محض افواہیں ہیں۔ جس میں کہا گیا کہ سوشل میڈیا پر پھیلائی جانے والی خبریں جھوٹی ہیں اور اس میں کوئی صداقت نہیں۔

کترینہ اور وکی کے ورک فرنٹ کی بات کریں تو وکی کی فلم’ذرا ہٹکے ذرا بچکے‘ 2 جون کو ریلیز ہو رہی ہے۔ اس فلم کو شائقین کی جانب سے بے پناہ پیار مل رہا ہے۔ فلم نے 30 کروڑ سے زائد کی کمائی کی ہے۔ کترینہ کیف جلد ہی’ٹائیگر -3‘ میں نظر آئیں گی۔ اس میں ان کے ساتھ سلمان خان مرکزی کردار ادا کر رہے ہیں۔ وہ فون بھوت، میری کرسمس میں بھی نظر آئیں گی۔