آسکر کی جانب سے ودیا بالن، ایکتا اور شوبھا کپور کو دعوت نامہ ملا

فلم اداکارہ ودیا بالن، پروڈیوسر ایکتا کپور اور ان کی والدہ شوبھا کپور کو آسکر کی جانب سے دعوت نامہ موصول ہوا  ہے۔ اطلاعات کے مطابق، یہ تینوں اکادمی ایوارڈس کی کلاس۔ 2021 کا حصہ بننے جارہی ہیں۔انہیں آسکر کی گورننگ باڈی موشن پکچر آرٹس اینڈ سائنسز نے دنیا بھر سے منتخب کئے گئے  395 ان افراد میں شامل کیا ہے جو آسکر میں ووٹ ڈال سکیں گے۔

 ان تینوں کے علاوہ اس اکیڈمی ایوارڈس میں ہالی ووڈ اسٹار آندرا ڈے، ماریہ باکلووا، ایزا گونزالیز، ہنری گولڈنگ، وینیسا کربی، رابرٹ پیٹنسن شامل ہیں۔واضح ہو کہ ودیا، ایکتا اور شوبھا سے پہلے بالی ووڈ  سے پرینکا چوپڑا، دیپیکا پدوکون، عرفان خان، امیتابھ بچن، عامر خان، ایشوریا رائے، سلمان خان، گوتم گھوش اور بدھ دیب داس گپتا جیسی ہستیاں آسکر ایوارڈ کے لیے ووٹنگ میں شامل ہوچکی ہیں۔

ودیا بالن نے پرنیتا، بھول بھولیا، عشقیہ، دی ڈرٹی پکچر، کہانی، بیگم جان، تمہاری سولو اور شکنتلا دیوی جیسی فلموں میں اپنی شاندار اداکاری کے ذریعہ فلم شائقین کے دلوں میں ایک خاص مقام پیدا کیا ہے۔ وہیں ایکتا کپور اور شوبھا کپور دونوں ہی بالی ووڈ اور ٹی وی دنیا کی سب سے بڑی پروڈیوسر س میں سے ایک ہیں اور انھوں نے دی ڈرٹی پکچر، ڈریم گرل، ونس اپوان اے ٹائم ان ممبئی، اڑتا پنجاب جیسی کئی سپر ہٹ فلمیں پروڈیوس بھی کی ہیں۔