انل کپور ہندوستانی سنیما کے نامور اداکاروں میں سے ایک ہیں۔ اداکار نے شاندار فلمیں دی ہیں اور آسکر ایوارڈ یافتہ سلم ڈاگ ملینیئر کی عالمی ریلیز کے ساتھ قوم کا سر فخر سے بلند کیا تھا۔ 80 کی دہائی میں مسٹر انڈیا سے لے کر 2023 میں دی نائٹ مینیجر تک، ان کا سفر حیرت انگیز رہا ہے۔
اداکار نے اپنے سوشل میڈیا پر یادوں کی جرنی کے عنوان کے ساتھ کچھ شاندار مونوکروم تصاویر شیئر کیں۔ انہوں نے لکھا کہ 4 دہائیوں میں جب میں آس پاس رہا، نظریات بدل گئے، ٹیلنٹ تبدیل ہوگیا، ذوق بدلا اور سامعین بھی یقنی طور پر بدلے لیکن ایک چیز جو تبدیل نہیں ہوئی وہ ہے محنت، عزم اور یقین، اور یہ کافی انعامات ہیں۔
یہ مونوکروم تصویریں ہمیں بالی ووڈ کے سنہری دور میں واپس لے جاتی ہیں۔ یہ تصاویر اور لمحات یقیناً 80 اور 90 کی دہائی کے بچوں کو پرانی یادیں تازہ کر رہی ہیں۔ اس سے یہ بھی پتہ چلتا ہے کہ انہوں نے کتنی بار فلم فیئر ایوارڈز جیتے ہیں، بلیک اینڈ وائٹ ڈیز سے لے کر ایچ ڈی والے دنوں تک۔
ان کے پیشہ ورانہ محاذکی بات کریں تو دی نائٹ مینیجر کا ٹریلر حال ہی میں جاری کیا گیا تھا۔ اداکار نے اپنے کردار سے سب کی توجہ مبذول کی ہے۔ اس کے علاوہ وہ دیپیکا پدوکون اور ریتک روشن کے ساتھ فلم فائٹر میں نظر آئیں گے اور اس کے بعد رنبیر کپور کے ساتھ اینیمل میں نظر آئیں گے۔
