Urdu News

رونگٹے کھڑا کر دے گا’دی کیرالہ اسٹوری’ کا ٹیزر آخر کیا ہے خاص؟

ادا شرما کی آنے والی فلم ‘دی کیرالہ اسٹوری’ کا رونگٹے کھڑے کر دینے والا ٹیزر جمعرات کو جاری کر دیا گیا ہے۔ اس فلم میں لالچ، دباو اورخوف دکھا کر اغوا کی گئی اور پھسلا کر لے جائی گئی ایسی لڑکیوں کی کہانی ہے ، جنہیں دہشت گرد تنظیموں نے اپنے غلام بنا کر رکھ لیا ہے۔ جمعرات کو سامنے آئے ٹیزر میں ایسی ہی ایک لڑکی کی کہانی دکھائی گئی ہے۔

ٹیزر میں دکھایا گیا ہے کہ شالینی انی کرشنن نامی ایک لڑکی ہے، جو نرس بننے کا خواب دیکھتی ہے اور غریب لوگوں کی خدمت کرنا چاہتی ہے لیکن اب وہ فاطمہ بیگ ہے۔اس کے گھر سے اسے اغوا کر لیا گیا اور اب وہ آئی ایس آئی ایس کی دہشت گرد کے طور پر افغانستان کی جیل میں بند ہے۔

فلم میں ادا شرما شالینی انی کرشنن عرف فاطمہ بیگ کے کردار میں ہیں۔ سدیپتو سین کی ہدایت کاری میں بننے والی یہ فلم ایک دہشت گرد تنظیم کے ہاتھوں خواتین کی اسمگلنگ کی چونکا دینے والی کہانی ہے۔ یہ فلم ریاست کیرالہ میں مبینہ طور پر لاپتہ ہونے والی 32 ہزار خواتین کے پس پردہ واقعات سے پردہ اٹھاتی ہے۔’دی کیرالہ اسٹوری’کے پروڈیوسر وپل امرت لال شاہ ہیں۔ ٹیزر منظر عام پر آنے کے بعد سے ہی شائقین فلم کی ریلیز کا بے صبری سے انتظار کر رہے ہیں۔

Recommended