ریتک روشن اور دیپیکا پادوکون کی فلم’فائٹر‘کب ہو رہی ہے ریلیز؟ تاریخ طے

ریتک روشن اور دیپیکا پادوکون کی آنے والی فلم ‘فائٹر’ کافی عرصے سے خبروں میں ہے۔ فلم میں ان دونوں کے ساتھ اداکار انیل کپور بھی اہم کردار میں نظر آئیں گے۔

وہیں اس فلم سے متعلق ایک تازہ ترین اپ ڈیٹ سامنے آیا ہے۔ جمعہ کوفلم سازوں نے فلم کی ریلیز کی تاریخ کا اعلان کیا ہے۔ یہ فلم 25 جنوری 2024 کو یوم جمہوریہ کے موقع پر ریلیز کی جائے گی۔

یہ فلم بھارت کی پہلی فضائی ایکشن فلم ہوگی۔ رپورٹس کے مطابق دیپیکاپادوکون بھی فلم میں زبردست ایکشن کرتی نظر آئیں گی۔ فلم کی کہانی ہندوستانی حالات پر مبنی ہے اور اس میں ملک کی مسلح افواج کی بہادری، قربانی اور حب الوطنی کو سلام پیش کیا گیا ہے۔ ‘فائٹر’ ایک بہترین فلم ہوگی جس کی ہدایت کاری سدھارتھ آنند کررہے ہیں۔