علی عباس ظفر کی کرائم ایکشن فلم میں کس ولن کی ہوئی انٹری؟

فلم اداکار شاہد کپور جلد ہی ہدایت کار علی عباس ظفر کی کرائم ایکشن فلم میں نظر آئیں گے۔ فلم کا اعلان گزشتہ سال نومبر میں کیا گیا تھا۔ ساتھ ہی اس سال مارچ میں شاہد کپور نے اس فلم کی شوٹنگ مکمل کی۔ لیکن اب اس فلم کے بارے میں ایک بڑا اپ ڈیٹ سامنے آرہا ہے۔

رپورٹس کے مطابق اس فلم میں اداکار انکور بھاٹیہ کی انٹری ہوگی اور وہ اس فلم میں ولن کا کردار ادا کرتے نظر آئیں گے۔ وہ فلم میں شاہد کپور کو زبردست ٹکر دیں گے۔ تاہم ابھی تک اس کی باضابطہ تصدیق نہیں ہوئی ہے۔ ساتھ ہی فلم کے ٹائٹل کو لے کر بھی سسپنس برقرار ہے۔ شاہد کپور اس فلم کو لے کر کافی پرجوش ہیں۔

معلومات کے مطابق اس فلم میں شاہد ایک پولیس افسر کے کردار میں نظر آئیں گے۔ یہ کرائم ایکشن فلم ہوگی، جس میں شاہد کپورکا ایکشن اوتار ناظرین کو نظر آئے گا۔ یہ پہلا موقع ہے جب شاہد اور علی عباس ظفر ایک ساتھ کام کر رہے ہیں۔