عالیہ بھٹ نے فوٹوگرافر کی کیوں اٹھائی چپل؟ویڈیو وائرل

بالی ووڈ اداکارہ عالیہ بھٹ ہمیشہ سرخیوں میں رہتی ہیں۔ کبھی لک سے ، کبھی انداز سے اور کبھی شاندار اداکاری کولے کر۔ اس کے علاوہ عالیہ اپنے یوٹیوب چینل پر اپنے مداحوں کے لیے کئی ویڈیوز پوسٹ کرتی رہی ہیں ، چاہے وہ اسکرین کیئر روٹین ، فلم ، اشتہار یا گانا بنانے کا کام ہو۔ اس وقت ان کی فلم ’راکی اور رانی کی پریم کہانی‘میں ان کی ساڑھیوں اور ان کے روپ کے چرچے ہو رہے ہیں۔ ایسے میں عالیہ کی ایک ویڈیو نے سب کی توجہ اپنی جانب کھینچ لی ہے۔

عالیہ کو کل رات ممبئی میں اپنی ماں سونی رازدان اور بہن شاہین بھٹ کے ساتھ دیکھا گیا تھا۔ اس وقت پاپارازی تینوں کی تصاویر اور ویڈیوز لینے وہاں پہنچ گئے تھے۔ شوٹنگ کے دوران ایک فوٹوگرافر کی چپل گر گئی۔ عالیہ کی نظر چپل پر پڑی اور پھر وہ اسے اپنے ہاتھوں سے اٹھا کر فوٹوگرافر کے پاؤں کے قریب لے آئی۔ اداکارہ کی اس حرکت نے سب کی توجہ اپنی جانب کھینچ لی ہے۔ اس ویڈیو کو مشہور فوٹوگرافر نے اپنے انسٹاگرام پیج پر شیئر کیا ہے۔

اس وقت عالیہ کی یہ ویڈیو سوشل میڈیا پر خوب وائرل ہو رہی ہے۔ اس عمل سے انہوں نے مداحوں کا دل جیت لیا ہے۔ کچھ لوگ انہیں ٹرول کر رہے ہیں۔ ایک نے لکھا ، وہ بہت پیاری اور شائستہ ہیں ، جب کہ دوسرے نے لکھا ، یہ فلم کی تشہیر کا نیا طریقہ ہے۔ تیسرے نے یہ بھی لکھا ، لوگ بغیر کسی وجہ کے عالیہ کو ٹرول کر رہے ہیں۔

دریں اثنا، عالیہ کی فلم ’راکی اور رانی کی پریم کہانی‘ 28 جولائی کو ریلیز ہوگی۔ فلم ’گلی بوائے‘ کے بعد ایک بار پھر رنویر سنگھ اور عالیہ بھٹ کی کیمسٹری دیکھنے کو ملے گی۔