فلم اداکارہ کیارا ایڈوانی نے اپنے انسٹاگرام پر مداحوں کے ساتھ مالدیپ کی چھٹیوں کی کچھ تصاویر شیئر کی ہیں۔ ویڈیو میں کیارا سمندر کے ساحل پر مزے کرتی نظر آ رہی ہیں۔ شائقین ویڈیو کو بے حد پسند کر رہے ہیں۔ خاص طور پر کیارا کا گلیمرس انداز مداحوں کو بے حد پسند آرہاہے اور مداح اور مشہور شخصیات بھی دل کے ایموجی بنا کر اس پر ردعمل کا اظہار کر رہے ہیں۔ کیارا کی اس پوسٹ کا جواب دیتے ہوئے ایک صارف نے سوال کیا ہے -’سدھارتھ کہاں  ہیں‘؟۔

اہم بات یہ ہے کہ کیارا نے سال 2014 میں فلم ’فگلی‘ سے بالی ووڈ میں قدم رکھا تھا۔ اس کے بعد وہ کئی ہٹ فلموں میں نظر آئیں۔ گزشتہ سال ریلیز ہونے والی ان کی فلم شیرشاہ کو ہر کسی نے سراہا۔ اس فلم میں اداکار سدھارتھ ملہوترا کے ساتھ ان کی جوڑی کو بھی ناظرین نے پسند کیا۔ اس فلم کے بعد سے، کیارا-سدھارتھ ملہوترا کے ساتھ ان کے رشتے کو لے کر کافی بحث ہو رہی ہے۔ اگرچہ دونوں میں سے کسی نے بھی اس پر کھل کر کچھ نہیں کہا ہے لیکن دونوں اکثر کئی مواقع پر ایک ساتھ نظر آتے ہیں۔

کیارا کے ورک فرنٹ کی بات کریں تو کیارا جلد ہی اداکار ورون دھون، انل کپور اور نیتو کپور کے ساتھ فلم جگ جگ جیو میں نظر آئیں گی۔ اس کے علاوہ وہ فلم گووندا نام میرا میں اداکار وکی کوشل اور بھومی پیڈنیکر کے ساتھ مرکزی کردار میں بھی نظر آئیں گی۔