بالی ووڈ اداکارہ امریتا سنگھ اور اداکار سیف علی خان کی بیٹی سارہ علی خان ہمیشہ سرخیوں میں رہتی ہیں۔ کچھ دن پہلے سارہ اور کارتک آرین کے افیئر کے چرچے مسلسل ہو رہے تھے۔ اتنا یہی نہیں، جب سارہ علی خان کرن جوہر کے شو میں پہنچیں تو تقریباً صاف ہو گیا تھاکہ سارہ اور کارتک کے درمیان کچھ چل رہا ہے۔ تاہم چند روز قبل ان کے بریک اپ کی خبریں بھی منظر عام پر آئی ہیں۔

قابل ذکر ہے کہ کارتک آرین کی فلم شہزادہ کچھ دن پہلے ہی ریلیز ہوئی تھی۔ تاہم یہ فلم باکس آفس پر دھوم مچانے میں ناکام رہی۔ شائقین نے شہزادہ سے منہ موڑ لیا اور فلم فلاپ ہو گئی۔ اس کے بعد کارتک آرین گزشتہ کچھ دنوں سے اپنی آنے والی فلم عاشقی ۔3 کو لے کر سرخیوں میں ہیں۔ عاشقی۔ 3 میں مرکزی کردار ادا کرنے والی اداکارہ کا فیصلہ ہونا باقی ہے۔ عاشقی۔ 3 کے حوالے سے کئی اداکاراؤں کے نام زیر بحث ہیں۔ عاشقی۔ 3 میں اداکاری کرنے کے لئے کارتک آرین فائنل ہیں۔

حال ہی میں سارہ علی خان نے ایک بڑی خواہش کا اظہار کیا۔ سارہ علی خان نے براہ راست فلم عاشقی۔3 میں کام کرنے کی خواہش کا اظہار کیا ہے یعنی سارہ علی خاص اپنے ایکس بوائے فرینڈ کارتک آرین کے ساتھ رومانس کرنا چاہتی ہیں۔ کارتک آرین ان دنوں عاشقی۔ 3 کے میکرس کے ساتھ کام کر رہے ہیں۔

چند روز قبل یہ افواہیں تھیں کہ سارہ علی خان کو فلم عاشقی۔ 3 کا آفر دیا گیا ہے۔ تاہم سارہ علی خان نے کہا کہ وہ عاشقی۔ 3 میں کام کرنا چاہیں گی۔میکرس  کوعاشقی ۔3 کے لیے یقینی طور پر میرے بارے میں  غور کرنا چاہیے۔ تاہم مجھے ابھی تک عاشقی۔ 3 کا آفرموصول نہیں ہوا ہے ۔