ملک میں کورونا کے 24492 نئے معاملے

نئی دہلی ، 16 مارچ (انڈیا نیرٹیو)

ملک میں کورونا مریضوں کی تعدادایک کروڑ 14 لاکھ سے تجاوز کر چکی ہے۔ پچھلے 24 گھنٹوں کے دوران ، کورونا کے 24 ہزار 492 نئے معاملے رپورٹ ہوئے ہیں۔ اس کے ساتھ ، کورونا مریضوں کی تعداد بڑھ کر 11409831 ہوگئی ہے۔پچھلے 24 گھنٹوں میں کورونا سے 131 افراد ہلاک ہوئے۔ اس کے ساتھ ہی اس بیماری سے اموات کی تعداد بڑھ کر 158856 ہوگئی ہے۔منگل کی صبح مرکزی وزارت صحت کی جانب سے جاری کردہ اعداد و شمار کے مطابق ، ملک میں 223432 فعال مریض ہیں۔ راحت بھری خبر ہے کہ کورونا سے اب تک 11027543 مریض صحت یاب ہوئے ہیں۔

شمال مشرق میں کورونامتاثرین کی تعداد 334239 ہوئی

سکم سمیت شمال مشرق کی آٹھ ریاستوں میں ، پچھلے کچھ دنوں سے کورونا کے مریضوں کی تعداد میں نمایاں کمی آ رہی ہے اور صحت یاب ہونے والے مریضوں کی شرح تیزی سے بڑھ رہی ہے۔

شمال مشرق میں گزشتہ 24 گھنٹوں کے دوران ، کورونا کے 21 نئے مریضوں کی شناخت کی گئی ہے۔ متاثرہ افراد کی کل تعداد 334239 ہوگئی ہے جن میں سے 329922 مریض صحت یاب ہوچکے ہیں۔ پچھلے 24 گھنٹوں کے دوران ، مجموعی طور پر 36 مریض مکمل طور پرصحت یاب ہوئے ہیں جبکہ مختلف اسپتالوں میں 396 مریض زیر علاج ہیں۔ کورونا سے متاثرہ 2300 مریض فوت ہوگئے ہیں جبکہ 05 مریض شمال مشرق سے باہر منتقل ہوگئے ہیں۔

آسام میں 20 کورونا سے متاثرہ نئے مریضوں کی شناخت ہوئی ہے۔ ریاست میں کورونا کے کل مریض 217817 ہیں جبکہ 215106 مریض صحت یاب ہوچکے ہیں۔ گذشتہ 24 گھنٹوں کے دوران ، 26 مریض صحت یاب ہوئے ۔ 265 مریضوں کا علاج مختلف اسپتالوں میں کیا جارہا ہے۔ دریں اثنا ، 1099 مریض فوت ہوچکے ہیں اور 03 مریض ریاست سے باہر چلے گئے ہیں۔

تریپورہ میں کورونا سے متاثرہ نئے مریض کی شناخت نہیں ہوسکی ہے۔ ریاست میں کورونا مریضوں کی کل تعداد 33426 ہے جب کہ33003 مریض صحت یاب ہوچکے ہیں۔ مختلف اسپتالوں میں 12 مریضوں کا علاج جاری ہے۔ اس دوران 388 مریض دم توڑ چکے ہیں۔

منی پور میں نئے کورونا سے متاثرہ مریضوں کی شناخت نہیں ہوسکی ہے۔ ریاست میں کورونا مریضوں کی کل تعداد 29313 ہے جب کہ28914 مریض صحت یاب ہوچکے ہیں۔ پچھلے 24 گھنٹوں میں 02 مریض صحت یاب ہوئے ہیں۔ مختلف اسپتالوں میں 24 مریض زیر علاج ہیں۔ اس دوران 373 مریض لقمہ اجل بن چکے ہیں۔

اندور میں تیزی سے بڑھ رہے کوروناکے مریض، ملے 264 نئے متاثرہ

مدھیہ پردیش کے معاشی دارالحکومت اندور میں کورونا بدستور تباہی مچا رہا ہے۔ یہاں 15 فروری کے بعد سے کوروناکے نئے مریضوں کی تعداد میں تیزی سے اضافہ ہو رہا ہے۔ گزشتہ 24 گھنٹوں کے دوران ، اندور میں کورونا کے 264 نئے کیس سامنے آئے ہیں۔ اس کے بعد ، متاثرہ مریضوں کی مجموعی تعداد 62 ہزار 675 ہوگئی ہے۔وہیں، کورونا سے اندور میں 943 افراد لقمہ اجل بن چکے ہیں۔ یادرہے کہ اندور میں لگ بھگ 70 دن کے بعد ، نئے متاثرہ افراد کی تعداد 200 کو عبور کرچکی ہے اور اب لگاتار پانچویں دن یہاں 200 سے زائد نئے متاثرہ افراد پائے گئے ہیں۔ 

منگل کے روز اندور کے انچارج چیف میڈیکل اینڈ ہیلتھ آفیسر ڈاکٹر پونم گڈاریا نے بتایا کہ ایم جی ایم میڈیکل کالج نے پیر کی رات کو 2280 نمونوں کی تحقیقاتی رپورٹ جاری کی۔ ان میں سے 264 افراد مثبت پائے گئے ، جب کہ بقیہ افراد منفی رپورٹ ہوئے۔ ان نئے کیسوں کے ساتھ ہی اب ضلع میں متاثرہ مریضوں کی مجموعی تعداد 62 ہزار 675 ہوگئی ہے۔

تاہم ، اندور میں پچھلے 24 گھنٹوں کے دوران کورونا سے کسی قسم کی ہلاکت نہیں ہوئی ہے۔ یہاں اموات کی تعداد 943 ہے۔ اسی کے ساتھ ہی ، 198 مریض صحت یاب ہو کر اپنے گھر پہنچ گئے ہیں۔ اب تک ، 59ہزار،980 مریض کورونا کو شکست دے کر اپنے گھر پہنچ چکے ہیں ، لیکن نئے معاملات میں اضافے کے ساتھ ، فعال مریضوں کی تعداد 1752 ہوگئی ہے ، جو مختلف اسپتالوں اور گھریلو تنہائی میں علاج جاری رکھے ہوئے ہیں۔