نئی دہلی، 24 جولائی (انڈیا نیرٹیو)

ایک بار پھر ملک میں کورونا کے نئے معاملوں میں اضافہ درج کیا گیا ہے۔ گزشتہ 24 گھنٹوں کے دوران کورونا کے کل 39 ہزار 097 نئے معاملے رپورٹ ہوئے ہیں، جب کہ اس بیماری کی وجہ سے 546 افراد لقمہ اجل بن چکے ہیں۔ اسی دوران صحت یاب ہونے والے مریضوں کی تعداد 35 ہزار 087 ہوگئی ہے۔

مرکزی وزارت صحت کے مطابق، ملک میں پازیٹویٹی کی شرح میں بھی معمولی اضافہ ہوا ہے۔ پچھلے 33 دنوں سے پازیٹویٹی کی شرح 3 فیصد سے نیچے ہے۔  پازیٹویٹی کی شرح گزشتہ 24 گھنٹوں میں 2.40 فیصد رہی ہے۔

ہفتہ کی صبح وزارت صحت کی وزارت کے جاری کردہ اعداد و شمار کے مطابق، ملک میں اب تک کورونا کے کل 3 کروڑ 13 لاکھ 32 ہزار 159 معاملے رپورٹ ہوئے ہیں۔ اسی کے ساتھ ہی 4 لاکھ 20 ہزار 016 افراد اس بیماری کی وجہ سے ہلاک ہوچکے ہیں۔ فعال مریضوں کی تعداد 4 لاکھ 08 ہزار 977 ہوگئی ہے۔ خبر ہے کہ کورونا سے اب تک 03 کروڑ 05 لاکھ 03 ہزار 166 مریض صحت یاب ہوچکے ہیں۔

کورونا سے صحت یاب ہونے والوں کی تعداد میں مسلسل اضافہ ہورہا ہے۔ تاہم، پچھلے دو دن سے صحت یاب ہونے والے افراد کی تعداد نئے سامنے آنے والے معاملوں سے کم ہے۔ اس وقت ملک میں صحت یابی کی شرح 97.35 فیصد ہے۔

پچھلے 24 گھنٹوں کے دوران، ملک میں 16 لاکھ سے زیادہ ٹیسٹ کیے گئے۔ آئی سی ایم آر کے مطابق، ملک میں اب تک مجموعی طور پر 45.45 کروڑ ٹیسٹ ہوچکے ہیں۔

شمال مشرق میں نئے مریضوں اور صحت یاب افراد کی تعداد برابر

شمال مشرق میں، پچھلے چوبیس گھنٹوں کے دوران، جتنے نئے مریضوں کی نشاندہی کی گئی، اتنی ہی تعداد میں مریض صحت یاب بھی ہوچکے ہیں۔ اس کے باوجود، کورونا وائرس کی صورت حال اب بھی ایک چیلنج بنی ہوئی ہے۔

شمال مشرق میں، پچھلے 24 گھنٹوں کے دوران نئے متاثرہ افراد کی تعداد پانچ ہزار 648 ہے۔ اس کے ساتھ ہی، متاثرہ افراد کی کل تعداد نو لاکھ، نو ہزار سات ہوگئی ہے۔ ان میں سے آٹھ لاکھ 47 ہزار 900 مریض صحت یاب ہوچکے ہیں۔ پچھلے 24 گھنٹوں کے دوران، مجموعی طور پر پانچ ہزار 659 مریض مکمل طور پر صحت یاب ہوچکے ہیں۔

اس وقت شمال مشرقی ریاستوں کے مختلف اسپتالوں میں 49 ہزار 185 مریض زیر علاج ہیں۔ شمال مشرق میں اب تک نو ہزار 491 مریض لقمہ اجل بن چکے ہیں۔ پچھلے 24 گھنٹوں کے دوران 60 مریضوں کی موت ہو چکی ہے۔

آسام میں ایک ہزار 621 نئے کورونا متاثرہ مریضوں کی شناخت کی گئی ہے۔ ریاست میں کورونا کے مریضوں کی کل تعداد پانچ لاکھ 55 ہزار 842 تک جا پہنچی ہے، جب کہ پانچ لاکھ 34 ہزار 809 مریض صحت یاب ہوگئے ہیں۔ گزشتہ 24 گھنٹوں کے دوران ایک ہزار 869 مریض صحت یاب ہوچکے ہیں۔ مختلف اسپتالوں میں 14 ہزار 595 مریض زیر علاج ہیں۔ آسام میں اب تک پانچ ہزار 91 مریضوں کی موت ہوچکی ہے۔ پچھلے 24 گھنٹوں کے دوران 15 مریضوں کی موت ہوچکی ہے۔

منی پور میں ایک ہزار 284 نئے کورونا متاثرہ مریضوں کی شناخت ہوگئی ہے۔ اس کے ساتھ ہی ریاست میں کورونا کے مریضوں کی کل تعداد 90 ہزار 262 ہے جب کہ 78 ہزار 872 مریض صحتیاب ہوچکے ہیں۔ گزشتہ 24 گھنٹوں کے دوران ایک ہزار 725 نئے مریض صحت یاب ہوچکے ہیں اور مختلف اسپتالوں میں نو ہزار 939 مریض زیر علاج ہیں۔کورونا سے منی پور میں اب تک ایک ہزار 451 مریض لقمہ اجل بن چکے ہیں۔ پچھلے 24 گھنٹوں کے دوران 15 مریضوں کی موت ہوچکی ہے۔

تریپورہ میں 509 نئے کورونا سے متاثرہ مریضوں کی شناخت ہوگئی ہے۔ ریاست میں کورونا مریضوں کی کل تعداد 75 ہزار 605 ہوگئی ہے۔ ان میں سے 70 ہزار 560 مریض صحت یاب ہوچکے ہیں۔ گذشتہ 24 گھنٹوں کے دوران، 594 مریض صحتیاب ہوچکے ہیں۔ چار ہزار 251 مریض مختلف اسپتالوں میں زیر علاج ہیں۔ ریاست میں اب تک 731 مریضوں کی موت ہوچکی ہے۔ پچھلے چوبیس گھنٹوں کے دوران دو مریضوں کی موت ہوچکی ہے۔

میگھالیہ میں، 558 نئے کورونا سے متاثرہ مریضوں کی شناخت کی گئی ہے۔ ریاست میں کورونا مریضوں کی کل تعداد بڑھ کر 59 ہزار 904 ہوگئی ہے جبکہ 54 ہزار، 356 مریض صحت یاب ہوگئے ہیں۔ پچھلے 24 گھنٹوں کے دوران، 411 مریض صحت یاب ہوئے ہیں۔ مختلف اسپتالوں میں کل چار ہزار 539 مریض زیر علاج ہیں۔ میگھالیہ میں اس وبا کی وجہ سے ایک ہزار نو مریض دم توڑ چکے ہیں۔ پچھلے 24 گھنٹوں کے دوران، 21 مریض لقمہ اجل بن چکے ہیں۔

اروناچل پردیش میں 480 نئے کورونا متاثرہ مریض بھی پائے گئے ہیں۔ اس طرح سے ریاست میں کورونا کے مریضوں کی کل تعداد 45 ہزار 188 ہے جب کہ 40 ہزار 619 مریض صحت یاب ہوچکے ہیں۔ پچھلے 24 گھنٹوں کے دوران، 517 مریض صحت یاب ہوئے ہیں۔ اسپتالوں میں کل چار ہزار 357 مریض زیر علاج ہیں۔ ریاست میں اب تک 212 مریض ہلاک ہوچکے ہیں۔ پچھلے چوبیس گھنٹوں کے دوران چار مریضوں کی موت ہوچکی ہے۔

ادھر، میزورم میں 847 نئے مریضوں کی شناخت ہوگئی ہے۔ اس کے ساتھ ہی ریاست میں کورونا سے متاثرہ مریضوں کی کل تعداد 30 ہزار 492 ہوگئی ہے۔ ان میں سے 22 ہزار 904 مریض صحت یاب ہوچکے ہیں۔ پچھلے 24 گھنٹوں کے دوران، 287 مریض صحت یاب ہوچکے ہیں۔ جب کہ مختلف اسپتالوں میں سات ہزار 457 مریض زیر علاج ہیں۔ ابھی تک، میزورم میں کورونا سے ہونے والے اموات کی تعداد 131 ہے۔ پچھلے 24 گھنٹوں کے دوران ایک مریض کی موت ہوگئی ہے۔