کیرالہ میں 12 سالہ بچہ کی نیپا ہ وائرس سے موت، مرکز نے ٹیم بھیجی

نئی دہلی، 5 ستمبر (انڈیا نیرٹیو)

اب کیرالہ میں کورونا تباہی کے درمیان نیپاہ وائرس نے بھی دستک دی ہے۔ ریاست میں ایک 12 سالہ بچہ نیپا ہ وائرس کی وجہ سے فوت ہو گیا ہے۔ کوزی کوڈ، کیرالہ میں نیپا ہ وائرس کی وجہ سے ایک بچے کی موت کی تصدیق کے بعد ریاستی حکومت حرکت میں آگئی ہے۔ مرکزی حکومت نے نیشنل سینٹر فار ڈیزیز کنٹرول (این سی ڈی سی) کے ماہرین کی ایک ٹیم بھی کیرالہ بھیجی ہے۔

مرکزی وزارت صحت کے مطابق بچے کو 3 ستمبر کو انسیفلائٹس اور مائکورڈائٹس کی علامات کے ساتھ اسپتال میں داخل کیا گیا تھا۔ جہاں بچہ علاج کے دوران آج صبح دم توڑ گیا۔ مرکزی حکومت نے ماہرین کی ایک ٹیم بھیجی ہے، جو اتوار کو ہی پہنچے گی اور ریاستی حکومت کو ہر ممکن مدد فراہم کرے گی۔ مرکز نے ریاست کو مشورہ دیا ہے کہ وہبچے کے رابطے میں آئیسبھی لوگوں کا سراغ لگائے اور انہیں قرنطینہ میں رکھے۔ رابطے میں آئے سبھی بچوں کے نمونے لے کر ان کی جانچ کی ہدایت دی گئی ہے۔ ریاست سے اس سلسلے میں احتیاط برتنے کو بھی کہا گیا ہے۔

واضح رہے کہ سال 2018 میں بھیکیرالہ کے کوزیکوڈ اور مالپورم میں نیپا ہ وائرس کے کیس رپورٹ ہوئے تھے۔ نیپاہ وائرس چمگادڑوں سے پھیلتا ہے۔