کامل حسن،سمیر شیخ،اعصام خان اور محمد زیاد نے خون عطیہ دیا

ابوشحمہ انصاری، اعظم گڑھ

الفلاح فرنٹ کے بلڈ ڈونیٹ گروپ نے گزشتہ شب وارانسی بی ایچ یو میں آعظم گڑھ کے بینا پارہ کے باشندہ محمد شاداب کی اہلیہ عرشی خان کو چار یونٹ بلڈ دے کر ان کی جان بچائی۔عرشی خان کا میکہ آعظم گڑھ کے موضع خندن پور ہے۔

تفصیلات کے مطابق اعظم گڑھ کے بینا پارہ کے محمد شاداب کی اہلیہ عرشی خان کو وارانسی میں بی پازیٹیو بلڈ کی ضرورت تھی۔مریضہ کی فیملی والوں نے الفلاح فرنٹ کے بلڈ ڈونیٹ گروپ سے رابطہ کیا۔اس کے بعد الفلاح فرنٹ صدر اور بلڈ ڈونیٹ گروپ کے بانی ذاکر حسین سمیت کامل حسن،اعصام خان،سمیر شیخ اور محمد زیاد نے آعظم گڑھ سے چل کر وارانسی بی ایچ یوبلڈ بینک میں اپنا قیمتی بلڈ ڈونیٹ کیا۔الفلاح فرنٹ کارکنان نے اس کیس کے لیے آدھی رات کو سفر کیا اور صبح تین بجے گھر واپس لوٹے۔اس موقع پر بلڈ ڈونیٹ گروپ کے بانی ذاکر حسین بھی ڈونرز کے ہمراہ رہے۔

الفلاح فرنٹ (بلڈ ڈونیٹ گروپ)کے لگاتار خدمات سے متاثر ہوکر ایک بڑی تعداد میں لوگ تنظیم سے جڑ رہے ہیں۔مذکورہ کیس کو ملا کر اب تک 321 مریضوں کو الفلاح فرنٹ کی طرف سے مفت بلڈ دیا جا چکا ہے۔اس موقع پر نعمان خان،محمد وسیع اللہ،محمد شاداب،محمد ریحان و دیگرفراد نے الفلاح فرنٹ کی اس عظیم خدمت کیلئے شکریہ ادا کیا۔

تنظیم کے فعال رکن عامر عظمی،یاسر پٹھان،ابو شحمہ قریشی،محمد اسمعیل،ذاکر پٹھان،محمد شاداب،سرفرازلدین،(وارانسی)ندیم ارشد،معراج خان،محمد ناصر،مرزا تابش،محمد اجمعین (بلریا گنج)،سیف اللہ خالد،صارم ایوبی،احسن مفید،محمد مطلوب،عبدالمالک(جھارکھنڈ) مبارک خان(بندیل کھنڈ)،خلیق الرحمٰن،محمد آصف،وامق شیرازی,باسط سنجری،عبد الباسط سمیت ایک بڑی میں الفلاح فرنٹ کارکنان نے تنظیم سے مزید افراد سے جڑنے کی اپیل کی۔