بہار کے چیف سکریٹری ارون کمار سنگھ کی کورونا سے موت

پٹنہ ، 30 اپریل (انڈیا نیرٹیو)

بہار کے چیف سکریٹری کی موت جمعہ کے روز کورونا سے ہوگئی۔ چیف سکریٹری ارون کمار سنگھ کا علاج راجدھانی پٹنہ کے پارس اسپتال میں چل رہا تھا۔ سہ پہر کے قریب 1.30 بجے ان کی موت خبر آئی ۔   ریاستی حکومت نے ان کی موت کی تصدیق کردی ہے۔

ارون کمار سنگھ 1985 بیچ کے انڈین ایڈمنسٹریٹو سروس کے افسر تھے۔ وہ چیف سکریٹری سے قبل  بہار کے ترقیاتی کمشنر کی حیثیت سے بھی خدمات انجام دے چکے ہیں۔ ان کی کورونا رپورٹ 15 اپریل کو مثبت آئی تھی ۔ اس کے بعد انہیں نجی اسپتال میں داخل کرایا گیاتھا۔ جہاں ا نہوں نے آج آخری سانس لی۔

 چیف سکریٹری ارون کمار کو انفیکشن ہونے کے بعد پٹنہ ایمس میں داخل کرایا گیا تھا ، لیکن خراب صحت کے باعث انہیں نجی اسپتال میں داخل کرایا گیا تھا۔ 28 فروری کو دیپک کمار کے چیف سکریٹری کے عہدے سے سبکدوش ہونے کے بعد ارون کمار سنگھ بہار کے نئے چیف سکریٹری بنے تھے۔