<h3 style="text-align: center;">برسبین میں کورونا وائرس کی سخت پابندیاں</h3>
<h4 style="text-align: center;">ہند-آسٹریلیا کے درمیان آخری ٹیسٹ پر خطرات کے بادل</h4>
<p style="text-align: center;">Brisbane tightens coronavirus, threatens India-Australia final test</p>
<p style="text-align: right;">برسبین،03جنوری(انڈیا نیرٹیو)</p>
<p style="text-align: right;">واضح رہے آسٹریلیا کے نیو ساؤتھ ویلس میں کورونا کے پھیلاو کی خبریں ہیں اور کوینس لینڈ نے نیو ساوتھ ویلس کے ساتھ اپنی سرحدیں بند کردی ہیں اور آسٹریلیااور ہندستان کی کرکٹ ٹیموں کو چارٹرڈ طیارے سے وہاں پہنچنا ہے۔</p>
<p style="text-align: right;">آسٹریلیا کی ٹیم کوکہہ دیاگیا ہے کہ کھلاڑی جب ٹریننگ نہیں ہوگی اس وقت ہوٹل کےاپنے کمروں میں ہی رہیں گےلیکن ہندستانی ٹیم کو ایسی</p>
<p style="text-align: right;">کوئی اطلاع ابھی موصول نہیں ہوئی ہے لیکن ہندستانی ٹیم کوارنٹائن کے ان سخت ضوابط پر عمل کرنے کے لیے رضامند نظرنہیں آرہی ہے۔</p>

<h4 style="text-align: right;">کل دونوں ٹیموں کو سڈنی جانا ہے۔</h4>
<p style="text-align: right;">ذرائع کے مطابق ہندستانی ٹیم کے سینئر اہلکار کا کہنا ہےکہ پہلے 14 دن کے لیے دبئی میں کوارنٹائن ہونا اور پھر سڈنی میں 14 دن کے لیے</p>
<p style="text-align: right;">کوارنٹائن ہونا، ان دونوں کے بعد یہ برسبین کا کوارنٹائن سخت نظر آرہا ہے اور ٹیم اب دورہ کے آخر میں کورنٹائن نہیں ہونا چاہتی۔</p>
<p style="text-align: right;">اس بیچ ایسی بھی خبریں ہیں کہ اگر کوینس لینڈ حکومت ہندستانی ٹیم کے لیے سخت کوارنٹائن ضابطوں میں نرمی نہیں کرتی تو</p>
<p style="text-align: right;">چوتھےاورآخری کرکٹ ٹیسٹ میچ کی میزبانی نیوساوتھ ویلس کے دارالحکومت سڈنی کو دی جا سکتی ہے</p>
<p style="text-align: right;">اور اگر دونوں میں سےکچھ نہیں ہوا یعنی ضابطوں میں نرمی بھی نہیں کی اور جگہ بھی نہیں بدلی تو آخری ٹیسٹ میچ کے ہونے کے امکان کم</p>
<p style="text-align: right;">ہو جائیں گے۔ہندستانی ٹیم کا واضح کہنا ہے کہ بار بار کا کوارنٹائن کھلاڑیوں کے ذہن اور کار کردگی دونوں کو متاثر کرتا ہے۔</p>
<p style="text-align: right;">Brisbane tightens coronavirus, threatens India-Australia final test</p>.