Urdu News

ملک میں کورونا کا خطرہ، 24 گھنٹوں میں ملے 20,038 نئے متاثرین، 47 اموات

ملک میں کورونا کا خطرہ

نئی دہلی، 15 جولائی (انڈیا نیرٹیو)

ملک میں کورونا وائرس کے نئے مریضوں کی تعداد میں مسلسل اضافہ ہو رہا ہے۔ جمعہ کی صبح 8 بجے تک گزشتہ 24 گھنٹوں میں ملک میں 20,038 نئے کورونا مریض سامنے آئے ہیں۔ اس عرصے کے دوران کورونا وبا کو شکست دینے والے افراد کی تعداد 16 ہزار 994 ہے جب کہ کورونا وائرس سے متاثر 47 مریض کی موت ہوگئی۔مرکزی وزارت صحت کے مطابق ملک میں کورونا وائرس سے صحت یاب ہونے والوں کی کل تعداد چار کروڑ 30 لاکھ 45 ہزار 350 ہو گئی ہے۔ اس دوران صحت یابی کی شرح 98.48 فیصد تک بڑھ گئی۔

فی الحال ملک میں فعال مریضوں کی تعداد ایک لاکھ 39 ہزار 73 ہوگئی ہے۔ جب کہ روزانہ انفیکشن کی شرح 4.44 فیصد ہے۔آئی سی ایم آر کے مطابق گزشتہ 24 گھنٹوں میں 4 لاکھ 50 ہزار سے زیادہ ٹیسٹ کیے گئے۔ اب تک کل 86 کروڑ 86 لاکھ ٹیسٹ کیے جا چکے ہیں۔

کورونا کے خلاف جنگ: ملک میں اب تک 199.47 کروڑ سے زیادہ ویکسین لگائی گئیں

اب تک ملک میں 199 کروڑ 47 لاکھ سے زیادہ اینٹی کورونا وائرس ویکسین لگائی جا چکی ہیں۔ گزشتہ 24 گھنٹوں میں 18 لاکھ 92 ہزار ویکسین لگائی گئیں۔مرکزی وزارت صحت کے مطابق، ریاستوں اور مرکز کے زیر انتظام صوبوں کو اینٹی کورونا وائرس ویکسین کی کل 193.53 کروڑ خوراکیں دستیاب کرائی گئی ہیں۔ اس میں سے اب بھی ریاستوں کے پاس ویکسین کی 9 کروڑ 70 لاکھ خوراکیں دستیاب ہیں۔

Recommended