نئی دہلی، 17 نومبر (انڈیا نیرٹیو)

ملک میں کورونا کے نئے کیسز میں معمولی اضافہ ہوا ہے۔ گزشتہ 24 گھنٹوں کے دوران ملک بھر میں مجموعی طور پر 10 ہزار 197 نئے مریض سامنے آئے ہیں۔ اس دوران ملک بھر میں کورونا سے 301 افراد ہلاک ہوئے۔وہیں، کورونا سے صحت یاب افراد کی تعداد 12 ہزار 134 ریکارڈ کئے گئے۔

کورونا کے معاملات میں، کیرالہ پورے ملک میں تشویش کا سب سے بڑا سبب بنا ہوا ہے۔ گزشتہ 24 گھنٹوں میں 5 ہزار 516 نئے کیسز سامنے آئے ہیں۔ اس دوران اس ریاست میں کورونا سے 39 مریضوں کی موت ہوئی ہے۔

مرکزی وزارت صحت کے مطابق بدھ کی صبح تک گزشتہ 24 گھنٹوں میں پورے ملک میں کورونا کے انفیکشن کی شرح 0.82 فیصد تک بڑھ گئی ہے۔ پچھلے تین دنوں سے انفیکشن کی شرح ایک فیصد سے نیچے ہے۔ ملک میں اب تک مجموعی طور پر تین کروڑ یعنی 44 لاکھ سے زیادہ کورونا کے کیسز رپورٹ ہو چکے ہیں۔ ملک میں اب ایک لاکھ 28 ہزار، 555 ایکٹو کیسز ہیں۔ ملک میں اب تک تین کروڑ 38 لاکھ 73 ہزار 890 مریض کورونا سے صحت یاب ہو چکے ہیں۔

ملک میں کورونا سے صحت یاب ہونے کی شرح بڑھ کر 98.28 فیصد ہو گئی ہے۔ گزشتہ 24 گھنٹوں میں 12 لاکھ سے زیادہ ٹیسٹ کیے گئے ہیں۔ICMR کے مطابق، اب تک کل 62 کروڑ، 70 لاکھ ٹیسٹ کیے جا چکے ہیں۔ ملک بھر میں اب تک 113 کروڑ 68 لاکھ انسداد کورونا ویکسین دی جا چکی ہیں۔

کورونا سے جنگ: اب تک 113.68 کروڑ سے زیادہ ویکسین لگائی جا چکی ہیں

کورونا کے خلاف جنگ میں موثر ویکسینیشن مہم میں ملک میں اب 113 کروڑ 68 لاکھ ویکسی نیشن کا ہندسہ عبور کر گیا ہے۔ گزشتہ 24 گھنٹوں کے دوران ملک میں 67 لاکھ 82 ہزار سے زائد انسداد کورونا ویکسین لگائی گئیں۔

مرکزی وزارت صحت کے مطابق بدھ کی صبح تک 127 کروڑ ویکسین کی خوراکیں ریاستوں اور مرکز کے زیر انتظام علاقوں کو مفت فراہم کی گئی ہیں۔ ریاستوں کے پاس اب بھی 20 کروڑ، 91 لاکھ ویکسین کی خوراکیں ہیں۔