ملک میں بازیابی کی شرح88.91 فیصد

نئی دہلی ، 14 اپریل (انڈیا نیرٹیو)

ملک میں کورونا کے نئے کیسز کی تعداد 15 لاکھ سے تجاوز کرگئی ہے۔ پچھلے 24 گھنٹوں کے دوران ، کورونا کے ایک لاکھ 84 ہزار 372 نئے کیس رپورٹ ہوئے ہیں۔ اس کے ساتھ ، ملک میں اب تک کورونا کے کل 1کروڑ،38لاکھ،73ہزار،825 واقعات رپورٹ ہوئے ہیں۔ اسی کے ساتھ ہی ، پچھلے 24 گھنٹوں میں 1027 افراد کورونا سے ہلاک ہو گئے ہیں۔ اس کے ساتھ ہی ، اس بیماری سے مرنے والے افراد کی تعداد 1لاکھ،72ہزار،085 ہوگئی ہے۔ 

بدھ کی صبح مرکزی وزارت صحت کے جاری کردہ اعداد و شمار کے مطابق ، ملک میں 13لاکھ،65ہزار،704 فعال مریض ہیں۔ ایک راحت کی خبر یہ ہے کہ کورونا سے اب تک 1کروڑ،23لاکھ،36ہزار،036 مریض بازیاب ہوچکے ہیں۔اس وقت ملک کی بازیابی کی شرح 89.91 فیصد ہے۔

گزشتہ24 گھنٹوں میں14 لاکھ سے زیادہ ٹیسٹ

ملک میں گزشتہ 24 گھنٹوں کے دوران 1.4 ملین سے زیادہ کورونا ٹیسٹ کرائے گئے ہیں۔ آئی سی ایم آر کے مطابق ، 13 اپریل کو 14لاکھ،11ہزار،758 ٹیسٹ کیے گئے تھے۔ اب تک ، ملک میں مجموعی طور پر 26کروڑ،06لاکھ،18ہزار،866 ٹیسٹ کئے جاچکے ہیں۔

شمال مشرق میں کوروناانفیکشن کے 848 نئے مریض

 آسام میں ایک اور مریض کی موت ہوگئی

شمال مشرق میں کورونا انفیکشن کی دوسری لہر انتہائی تیز رفتار سے بڑھنا شروع ہوگئی ہے۔ زیادہ تر مریض آسام میں پائے جارہے ہیں۔ میگھالیہ ، میزورم ، تریپورہ میں بھی انفیکشن کی رفتار بڑھ گئی ہے۔ انفیکشن کے معاملے میں آسام پہلے تو تریپورہ اور منی پورباالترتیب دوسرے اور تیسرے نمبر پر ہے۔

شمال مشرق میں ، گزشتہ 24 گھنٹوں کے دوران 848 نئے مریضوں کی شناخت کی گئی ہے۔ اس دوران آسام میں بھی ایک مریض کی موت ہوگئی ہے۔ شمال مشرقی ریاستوں میں کورونا سے متاثرہ افراد کی کل تعداد 3 لاکھ ، 39 ہزار ، 628 ہے۔ ان میں سے 3 لاکھ ، 31 ہزار ، 438 مریض صحت مند ہوچکے ہیں۔ گزشتہ 24 گھنٹوں کے دوران ، مجموعی طور پر 89 مریض مکمل طور پر صحت مند ہوئے ہیں، جب کہ 4 ہزار ، 204 مریض مختلف اسپتالوں میں زیر علاج ہیں۔ شمال مشرقی ریاستوں میں اب تک 2 ہزار ، 334 مریض فوت ہوچکے ہیں۔ 

آسام 590 نئے کورونا سے متاثرہ مریضوں کی ایک بار پھر شناخت ہوئی ہے۔ ریاست میں کورونا کے مریضوں کی کل تعداد 2 لاکھ 21 ہزار 483 ہوچکی ہے ، جبکہ 2 لاکھ ، 16 ہزار ، 093 مریض صحت مند ہوچکے ہیں۔ گزشتہ 24 گھنٹوں کے دوران ، 52 مریض صحت یاب ہوچکے ہیں۔جبکہ 2 ہزار ، 924 مریض مختلف اسپتالوں میں زیر علاج ہیں۔ اب تک 1 ہزار 111 مریض آسام میں ہلاک ہو چکے ہیں۔ان میں گزشتہ چوبیس گھنٹوں کے دوران ہلاک ہونے والا مریض بھی شامل ہے۔ 

تریپورہ میں 24 گھنٹوں کے دوران ، 62 نئے کورونا سے متاثرہ مریضوں کی شناخت کی گئی ہے۔ اس کے ساتھ ریاست میں کورونا کے کل مریضوں کی تعداد 33 ہزار 802ہوگئی ہے، ان میں سے 33 ہزار 090 مریض صحت مند ہوچکے ہیں۔ پچھلے 24 گھنٹوں کے دوران ، 07 مریض صحت یاب ہوئے ہیں۔جب کہ مختلف اسپتالوں میں 298 مریضوں کا علاج کیا جارہا ہے۔ ریاست میں اب تک 391 مریض کورونا سے ہلاک ہو چکے ہیں۔

منی پور میں کورونا سے متاثرہ 23نئے مریضوں کی شناخت کی گئی ہے۔ اس کے ساتھ ہی ریاست میں کورونا کے مریضوں کی کل تعداد 29 ہزار ، 537 ہوگئی ہے جبکہ 29 ہزار ، 046 مریض صحت مند ہوگئے ہیں۔ گزشتہ 24 گھنٹوں کے دوران ، 11 نئے مریض صحت مند ہوچکے ہیں اور مختلف اسپتالوں میں 115 مریض زیر علاج ہیں۔ کورونا سے منی پور میں اب تک 376 مریض لقمہ اجل بن چکے ہیں۔