نئی دہلی، 3 نومبر (انڈیا نیرٹیو)

ملک میں کورونا کے نئے کیسز میں معمولی اضافہ ہوا ہے۔ بدھ کی صبح جاری کردہ اعداد و شمار کے مطابق گزشتہ 24 گھنٹوں میں مجموعی طور پر 11 ہزار 903 نئے مریض سامنے آئے ہیں۔وہیں کورونا سے صحت یاب افراد کی تعداد 14 ہزار 159 تھی۔ تاہم، اس دوران 311 مریضوں کی موت ہوگئی۔

 کورونا کے معاملات میں پورے ملک میں کیرالہ سب سے زیادہ تشویش کا سبب بنا ہوا ہے۔ گزشتہ 24 گھنٹوں میں چھ ہزار 444 نئے کیسز سامنے آئے ہیں۔ اس دوران اس ریاست میں کورونا سے 45 اموات درج کی گئی ہیں۔

مرکزی وزارت صحت کے مطابق گزشتہ 24 گھنٹوں میں انفیکشن کی شرح بڑھ کر 1.18 فیصد ہو گئی ہے۔ پچھلے 30 دنوں سے روزانہ انفیکشن کی شرح دو فیصد سے نیچے ریکارڈ کی جا رہی ہے۔ ملک میں اب تک مجموعی طور پر تین کروڑ یعنی 43 لاکھ سے زائد کورونا کے کیسز رپورٹ ہو چکے ہیں۔ فعال مریضوں کی تعداد ایک لاکھ 51 ہزار 209 ہے۔

ایک راحت کی خبر ہے کہ اب تک تین کروڑ 36 لاکھ 97 ہزار 740 مریض کورونا سے صحت یاب ہو چکے ہیں۔ ملک میں صحت یابی کی شرح 98.22 فیصد ہے۔ گزشتہ 24 گھنٹوں میں ملک میں 10 لاکھ سے زیادہ ٹیسٹ کیے گئے ہیں۔ ICMRکے مطابق، اب تک کل 61 کروڑ، 12 لاکھ ٹیسٹ کیے جا چکے ہیں۔ ملک بھر میں اب تک 107 کروڑ، 29 لاکھ کورونا ویکسین لگائی جا چکی ہیں۔

ملک میں 107.29 کروڑ سے زیادہ ٹیکے لگائے گئے ہیں

کورونا کے خلاف جنگ میں موثر ویکسی نیشن مہم میں ملک نے 107 کروڑ 29 لاکھ ویکسین کا ہندسہ عبور کر لیا ہے۔ گزشتہ 24 گھنٹوں میں ملک میں 41.16 لاکھ اینٹی کورونا ویکسین لگائی گئیں۔

مرکزی وزارت صحت کے مطابق بدھ کی صبح تک ریاستوں اور مرکز کے زیر انتظام علاقوں کو ویکسین کی 114 کروڑ خوراکیں مفت فراہم کی جا چکی ہیں۔ ریاستوں کے پاس اب بھی 14 کروڑ، 68 لاکھ ویکسین کی خوراکیں ہیں۔