کورونا وائرس: ملک میں مثبت معاملے 24 ہزار سے زائد

<p dir="RTL" style="text-align: justify;">
نئی دہلی، 2 اکتوبر (انڈیا نیرٹیو)</p>
<p dir="RTL" style="text-align: justify;">
ملک میں کورونا وائرس کی رفتار میں معمولی اضافہ ہوا ہے۔ ہفتہ کی صبح تک، گزشتہ 24 گھنٹوں میں مجموعی طور پر 24 ہزار، 354 نئے کورونا مریض سامنے آئے ہیں۔ ان میں سے 13 ہزار 834 مریض صرف کیرالہ سے رپورٹ ہوئے ہیں۔ اس عرصے کے دوران کیرالہ میں 95 مریضوں کی موت ہوئی ہے۔ کورونا سے صحت یاب ہونے والوں کی تعداد 25 ہزار 455 ہے۔</p>
<p dir="RTL" style="text-align: justify;">
مرکزی وزارت صحت کے مطابق گزشتہ 24 گھنٹوں میں وائرس کی شرح بڑھ کر 1.70 فیصد ہو گئی ہے۔ گزشتہ 33 دنوں سے روزانہ وائرس کی شرح تین فیصد سے کم ریکارڈ کی جا رہی ہے۔ اب تک، ملک میں کورونا کے کل تین کروڑ، 37 لاکھ سے زیادہ کیس رپورٹ ہوئے ہیں۔ فعال مریضوں کی تعداد دو لاکھ، 73 ہزار، 889 ہے۔</p>
<p dir="RTL" style="text-align: justify;">
 اب تک تین کروڑ، 30 لاکھ، 68 ہزار 599 مریض کورونا سے صحت یاب ہو چکے ہیں۔ ملک میں صحت یابی کی شرح 97.86 فیصد ہے۔ گزشتہ 24 گھنٹوں کے دوران ملک میں 14 لاکھ سے زائد ٹیسٹ کیے گئے۔</p>
<p dir="RTL" style="text-align: justify;">
آئی سی ایم آر کے مطابق، ملک میں اب تک مجموعی طور پر 57 کروڑ، 19 لاکھ ٹیسٹ کیے جا چکے ہیں۔ اب تک ملک بھر میں 89 کروڑ، 74 لاکھ کورونا ویکسین دی جا چکی ہیں۔</p>
<p dir="RTL" style="text-align: justify;">
<strong>ملک میں 69.33 لاکھ کورونا ویکسین لگائی گئیں </strong></p>
<p dir="RTL" style="text-align: justify;">
گزشتہ 24 گھنٹوں کے دوران ملک میں کورونا ویکسین کی 69.33 لاکھ سے زائد خوراکیں دی گئیں۔ اس کے ساتھ اب تک ملک میں 89.74 کروڑ ویکسین کی خوراکیں دی جا چکی ہیں۔</p>
<p dir="RTL" style="text-align: justify;">
ہفتہ کو مرکزی وزارت صحت کے جاری کردہ اعداد و شمار کے مطابق، مرکز نے ریاستوں اور مرکز کے زیر انتظام علاقوں کو مجموعی طور پر 88.14 کروڑویکسین فراہم کی ہیں۔</p>