دنیا میں ایک بار پھر کوروناوائرس کے معاملوں میں اضافہ

واشنگٹن ، 28 فروری (انڈیا نیرٹیو)

کورونا وائرس ایک بار پھر تیزی سے پھیل رہا ہے۔ جہاں برازیل میں صورت حال خراب ہونا شروع ہوگئی ہے ، وہیں نیوزی لینڈ کے بڑھتے ہوئے معاملوں کی وجہ سے الرٹ جاری کردیا گیا ہے۔ آکلینڈ میں لاک ڈاؤن کا اعلان کیا گیا ہے۔ جب کہ امریکہ میں کوروناوائرس کے کنٹرول کے بعدکورونا وائرس کی جانچ کم کردی گئی ہے۔

برازیل کے دارالحکومت برازیلیا میں کورونا وائرس کے معاملوںکے پیش نظر 24 گھنٹے کا لاک ڈاؤن نافذ کردیا گیا ہے۔ کچھ شہروں میں نائٹ کرفیو بھی نافذ کردیا گیا ہے۔ ایک درجن شہر ایسے ہیں جہاں ہسپتالوں میں مریضوں کے لیے بستر کی کمی ہے۔

وزیر اعظم جسنڈا آرڈرن نے کہا کہ ہفتے کے روز نیوزی لینڈ میں دو تازہ معاملوں کی تصدیق ہوگئی ہے۔ نیوزی لینڈ کا سب سے بڑا شہر آکلینڈ ، لاک ڈاؤن کو ہٹانے کے بعد ایک ہفتے کے لئے دوبارہ لاک ڈاؤن لگایا گیاہے۔

خبر رساں ادارے آئی اے این ایس نے شنہوا کے حوالے سے بتایا ہے کہ نیوزی لینڈ میں کورونا وائرس کے بڑھتے ہوئے کیسوں کی وجہ سے الرٹ کی سطح میں اضافہ کیا گیا ہے۔

ایک رپورٹ کے مطابق ، امریکہ میں آج کل جانچ میں 28 فیصد کمی آئی ہے۔ لاس اینجلس کاؤنٹی میں کچھ ہی ہفتوں قبل 335000 سے زیادہ افرادکی کوروناجانچ کی گئی تھی ، لیکن اس میں کمی واقع ہوئی ہے۔